Mga Salmo 67:1-7
Para ha direktor; duduyogan han mga instrumento nga may kwerdas. Usa nga Salmo. Usa nga kanta.
67 An Dios magpapakita ha aton hin pagkabuotan ngan magbibendisyon ha aton;Iya pasasanagon ha aton an iya nawong+ (Selah)
2 Basi an imo dalan mahibaroan ha bug-os nga tuna,+Ngan an imo mga pagtalwas mahibaroan han ngatanan nga nasud.+
3 Pagdayawon ka unta han mga katawohan, O Dios;Pagdayawon ka unta han ngatanan nga mga katawohan.
4 Hinaot magrayhak ngan magsinggit hin malipayon an mga nasud,+Kay magigin patas an imo paghukom ha mga katawohan.+
Imo gigiyahan an mga nasud ha tuna. (Selah)
5 Pagdayawon ka unta han mga katawohan, O Dios;Pagdayawon ka unta han ngatanan nga mga katawohan.
6 An tuna maghahatag han produkto hito;+An Dios, an aton Dios, magbibendisyon ha aton.+
7 An Dios magbibendisyon ha aton,Ngan an ngatanan nga sidsid han tuna magkakaada hin kahadlok* ha iya.+
Mga footnote
^ O “magpapasidungog.”
