Mga Salmo 114:1-8

  • Katalwasan han Israel ha Ehipto

    • Pinalagiw an dagat (5)

    • Kabukiran linukso pariho hin karnero (6)

    • Matig-a nga bato nagin burabod (8)

114  Han an Israel ginawas ha Ehipto,+An panimalay ni Jacob tikang ha katawohan nga nagyayakan hin iba nga yinaknan,   An Juda nagin santuaryo* han Dios,An Israel nagin iya nasasakopan.+   Nakita ito han dagat ngan pinalagiw;+An Jordan inatras.+   An kabukiran nagluksolukso pariho han mga karnero nga lalakí,+An kabungtoran nagluksolukso pariho han nati nga mga karnero.   Ano an hinungdan nga pinalagiw ka, O dagat?+ Kay ano nga inatras ka, O Jordan?+   Kay ano nga nagluksolukso kamo pariho han mga karnero nga lalakí, O kabukiran,Pariho han nati nga mga karnero, O kabungtoran?   Pangurog, O tuna, tungod han Ginoo,Tungod han Dios ni Jacob,+   Nga naghihimo han bato nga magin tubigon nga lugar nga puno hin tangbo,Han matig-a nga bato nga magin mga burabod han tubig.+

Mga footnote

O “baraan nga lugar.”