Mga Salmo 85:1-13
Para ha direktor. Salmo han mga anak ni Kora.+ Usa nga kanta.
85 O Jehova, nagpakita ka hin pagkabuotan ha imo tuna;+Imo ginbawi an mga anak ni Jacob nga ginbihag.+
2 Ginpasaylo mo an sayop han imo katawohan;Ginpasaylo* mo an ngatanan nira nga sala.+ (Selah)
3 Ginpugngan mo an ngatanan mo nga kapungot;Ginwara mo an imo duro nga kasina.+
4 Igpahiuli kami,* O Dios nga nagtatalwas ha amon,Ngan bayai an imo kasina ha amon.+
5 Mapupungot ka ba ha amon ha kadayonan?+
Ipapadayon mo ba an imo kasina tubtob ha ngatanan nga henerasyon?
6 Diri mo ba kami pakukusgon utroBasi an imo katawohan magrayhak tungod ha imo?+
7 Ipakita ha amon an imo maunungon nga gugma, O Jehova,+Ngan tagi kami hin katalwasan.
8 Mamamati ako ha isisiring han tinuod nga Dios nga hi Jehova,Kay magyayakan hiya mahitungod han kamurayawan ha iya katawohan,+ ha mga maunungon ha iya,Pero diri unta hira bumalik ha pagin sobra kakompyansa.+
9 Sigurado nga andam hiya pagtalwas ha mga may kahadlok ha iya,+Basi an iya himaya makapabilin ha aton tuna.
10 An maunungon nga gugma ngan an pagkamatinumanon magtatapo;An pagkamatadong ngan an kamurayawan maghaharokay.+
11 An pagkamatinumanon maturok ha tuna,Ngan an pagkamatadong matamod tikang ha langit.+
12 Oo, ihahatag ni Jehova an maopay,*+
Ngan an aton tuna maghahatag han produkto hito.+
13 An pagkamatadong maglalakat ha iya atubangan+Ngan maghihimo hin aragian para ha iya mga pitad.
