Mga Salmo 95:1-11
95 Kadi, magsinggit kita hin malipayon ngadto kan Jehova!
Magsinggit kita tungod han kadaogan ngadto ha Bato nga nagtatalwas ha aton.+
2 Kadto kita ha iya presensya* ngan pasalamatan hiya;+Magkanta kita ngan magsinggit ngadto ha iya tungod han kadaogan.
3 Kay hi Jehova usa nga harangdon nga Dios,Usa nga harangdon nga Hadi nga labaw ha ngatanan nga iba pa nga dios.+
4 Aada ha iya kamot an kahiladman han tuna;Iya an mga pungkay han kabukiran.+
5 Iya an dagat nga iya ginhimo,+Ngan ginporma han iya mga kamot an mamara nga tuna.+
6 Kadi, magsingba ngan magyukbo kita;Luhod kita ha atubangan ni Jehova, Hiya nga naghimo ha aton.+
7 Kay hiya an aton Dios,Ngan kita an katawohan ha iya panabsaban,An mga karnero nga iya gin-aataman.*+
Yana nga adlaw kon mamamati kamo han iya tingog,+
8 Ayaw patig-aha an iyo kasingkasing sugad han ha Meriba,*+
Sugad han adlaw ni Masah* didto ha kamingawan,+
9 Han ginsarihan ako han iyo mga kaapoy-apoyan;+Gin-ayat ako nira, bisan kon ira nakita an akon mga buhat.+
10 Ha sulod hin 40 ka tuig nangalas gud ako hito nga henerasyon, ngan ako nagsiring:
“Hira an katawohan nga pirme nahisisimang an ira kasingkasing;Waray hira mahibaro han akon mga paagi.”
11 Salit tungod ha akon kasina nanumpa ako:
“Diri hira makakasulod ha akon pagpahuway.”+
Mga footnote
^ Lit., “ha atubangan han iya nawong.”
^ Lit., “ha iya kamot.”
^ Nangangahulogan nga “Pag-araway.”
^ Nangangahulogan nga “Pagproyba; Pagsari.”
