Mga Salmo 81:1-16

  • Sagdon nga sumugot

    • Ayaw pagsingba ha iba nga dios (9)

    • ‘Kon mamati la unta kamo’ (13)

Para ha direktor han Gitit.* Salmo ni Asap.+ 81  Singgit hin malipayon ha Dios nga aton kusog.+ Singgit tungod han kadaogan ha Dios ni Jacob.   Tikangi an musika ngan kuhaa an tamborin,An arpa nga maopay an tunog pati an instrumento nga may kwerdas.   Huypa an sungay kon dulom,+Ngan kon kadayaw, para ha adlaw han aton piyesta.+   Kay usa ito nga sugo para ha Israel,Usa nga iginpapatuman han Dios ni Jacob.+   Iya ito gin-establisar sugad nga pahinumdom kan Jose+ Han ginawas Hiya kontra ha tuna han Ehipto.+ Nakabati ako hin tingog* nga waray ko masabti:   “Akon ginkuha an pinas-an tikang ha iya sugbong;+An iya mga kamot nakatalwas ha pagdinara han basket.   Ha imo kasakitan tinawag ka, ngan gintalwas ko ikaw;+Ginbaton ko ikaw tikang ha nagdadalugdog nga dampog.*+ Ginsarihan ko ikaw didto ha tubig han Meriba.*+ (Selah)   Pamati, akon katawohan, ngan magtitestigo ako kontra ha imo. O Israel, kon mamamati ka la unta ha akon.+   Kinahanglan waray lain nga dios dida ha imo,Ngan kinahanglan diri ka magyukbo ha dios han iba nga nasud.+ 10  Ako, hi Jehova, an imo Dios,Ako an naggawas ha imo ha tuna han Ehipto.+ Ignganga hin daku an imo baba, ngan akon ito pupun-on.+ 11  Pero an akon katawohan waray mamati ha akon tingog;An Israel waray magpasakop ha akon.+ 12  Salit ginpabay-an ko hira nga sundon an ira matig-a nga kasingkasing;Ira ginbuhat an ira ginhuhunahuna nga husto.*+ 13  Kon an akon katawohan mamati la unta ha akon,+Kon an Israel maglakat la unta ha akon mga dalan!+ 14  Sasakupon ko dayon an ira mga kaaway;Pagigiuson ko an akon kamot patok ha ira mga kakontra.+ 15  An mga nangangalas kan Jehova mangungurog ha iya presensya,Ngan an ira dadangatan* magigin waray kataposan. 16  Pero pakakaunon ka* niya han pinakamaopay nga klase hin* trigo+ Ngan bubusugon ka niya han dugos nga tikang ha bato.”+

Mga footnote

Kitaa an Glossary.
O “yinaknan.”
Lit., “ha tago nga lugar han dalugdog.”
Nangangahulogan nga “Pag-araway.”
Lit., “Hira naglakat uyon ha ira mga sagdon.”
Lit., “panahon.”
Lit., “hiya,” karuyag sidngon, an katawohan han Dios.
Lit., “han tambok han.”