Mga Salmo 97:1-12
97 Hi Jehova nagin Hadi!+
Maglipay an tuna.+
Magrayhak an damu nga isla.+
2 Napapalibotan hiya hin mga dampog ngan duro nga kadulom;+An katadongan ngan hustisya amo an pundasyon han iya trono.+
3 Ha iya atubangan nagawas an kalayo+Ngan nag-uugtang han iya mga kaaway ha ngatanan nga dapit.+
4 Nalalamragan han iya mga kidlat an tuna;Nakikita ito han tuna ngan nangungurog.+
5 An kabukiran natutunaw pariho hin taro ha atubangan ni Jehova,+Ha atubangan han Ginoo han bug-os nga tuna.
6 An langit nagpapasamwak han iya pagkamatadong,Ngan nakikita han ngatanan nga mga katawohan an iya himaya.+
7 Mahibutang unta ha kaarawdan an ngatanan nga nagsisingba ha bisan ano nga inukit nga imahen,+An mga naghahambog mahitungod han ira waray pulos nga mga dios.+
Yukbo* ha iya, kamo ngatanan nga dios.+
8 An Zion namamati ngan nagrarayhak;+An mga bungto* han Juda nagkakalipayTungod han imo mga paghukom, O Jehova.+
9 Kay ikaw, O Jehova, an Gihitaasi ha bug-os nga tuna;Hitaas ka hinduro labaw han ngatanan nga iba pa nga dios.+
10 O kamo nga nahigugma kan Jehova, kangalasi an maraot.+
Iya ginbabantayan an kinabuhi* han mga maunungon ha iya;+Iya gintatalwas hira tikang ha kamot* han magraot.+
11 An kalamrag nag-idlap para ha magtadong+Ngan an pagrayhak para ha mga tangkod an kasingkasing.
12 Pagrayhak tungod kan Jehova, kamo nga magtadong,Ngan pagpasalamat ha iya baraan nga ngaran.*
