Mga Salmo 56:1-13
Para ha direktor; ha tono han “An Hilom nga Sarapati nga Aadto ha Hirayo.” Salmo ni David. Miktam.* Han nadakop hiya han mga Filisteo didto ha Gat.+
56 Ipakita ha akon an imo pagkabuotan, O Dios, kay gin-aatake* ako han mortal nga tawo.
Kada adlaw hira nakikig-away ngan nagtatalumpigos ha akon.
2 Kada adlaw ginkakagat ako han akon mga kaaway;Damu an mapahitas-on nga nakikig-away ha akon.
3 Kon nahahadlok ako,+ ha imo ako nasarig.+
4 Ha Dios—nga an pulong akon gindadayaw—
Ha Dios ako nasarig; diri ako nahahadlok.
Ano an mahihimo ha akon han tawo* la?+
5 Kada adlaw ira ako ginpapakurian;Waray hira iba nga ginhuhunahuna kondi an pagdaot ha akon.+
6 Natago hira basi umatake;Ira ginbabantayan an akon tagsa nga pitad,+Naghihingyap nga patayon ako.*+
7 Isalikway hira tungod han ira karaotan.
O Dios, ha imo kasina pirdiha an mga nasud.+
8 Pirme ka maaram han akon paglakaton.+
Tiroka an akon mga luha ha imo anit nga surudlan.+
Diri ba nakarekord ito ha imo libro?+
9 Maatras an akon mga kaaway ha adlaw nga mangaro ako hin bulig.+
Sigurado ako hini: An Dios dapig ha akon.+
10 Ha Dios—nga an pulong akon gindadayaw—
Kan Jehova—nga an pulong akon gindadayaw—
11 Ha Dios ako nasarig; diri ako nahahadlok.+
Ano an mahihimo ha akon han tawo la?+
12 O Dios, kinahanglan tumanon ko an akon mga saad ha imo;+Maghahatag ako ha imo hin mga halad ha pagpasalamat.+
13 Kay gintalwas mo ako* tikang ha kamatayon+Ngan ginpugngan an akon mga tiil nga diri mahipakdol,+Basi ako maglakat ha atubangan han Dios ha kalamrag han mga buhi.+
