Mga Salmo 16:1-11
Miktam* ni David.
16 Panalipdi ako, O Dios, kay naayop ako ha imo.+
2 Nagsiring ako kan Jehova: “Ikaw hi Jehova, an gintitikangan han akon pagkamaopay.
3 Ngan an mga baraan ha tuna,An mga harangdon, nakakapalipay hinduro ha akon.”+
4 Nagdadamu an kasub-anan han mga nag-aalagad ha iba nga mga dios.+
Diri gud ako mag-iipis han ira mga halad nga irimnon nga dugo,Ngan diri gud uunabihon han akon mga im-im an ira mga ngaran.+
5 Hi Jehova an akon bahín, an iginhatag ha akon nga malon,+ ngan an akon kopa.+
Imo ginpapanalipdan an akon panurundon.
6 Makaruruyag nga mga lugar an ginsukol basi ihatag ha akon.
Oo, kontento ako ha akon panurundon.+
7 Dadayawon ko hi Jehova nga nagsagdon ha akon.+
Bisan ha gab-i gintatadong ako han akon gihilarumi nga mga panhunahuna.*+
8 Pirme ko iginbubutang hi Jehova ha akon atubangan.+
Tungod kay aadi hiya ha akon too nga kamot, diri gud ako mababay-og.*+
9 Salit nagrarayhak an akon kasingkasing, malipayon an akon bug-os nga pagkatawo.*
Ngan naukoy ako* nga may seguridad.
10 Kay diri mo ako babayaan ha* Lubnganan.*+
Diri mo papabay-an an usa nga maunungon ha imo nga makakita han buho.*+
11 Imo iginpapahibaro ha akon an dalan han kinabuhi.+
Ha imo presensya* may pagrayhak;+May kalipay* dida ha imo too nga kamot ha kadayonan.
Mga footnote
^ O “akon gihilarumi nga mga emosyon.” Lit., “akon mga kidney.”
^ O “diri gud ako mababantad (mauuy-og).”
^ Lit., “akon himaya.”
^ O “naukoy an akon unod.”
^ O “papabay-an an akon kalag ha.”
^ O posible nga “makakita han pagkadunot.”
^ Lit., “Ha imo nawong.”
^ O “kaopayan.”
