Mga Salmo 101:1-8

  • Magmarando nga nagios nga may integridad

    • ‘Diri ko kukonsinteron an pagin mapahitas-on’ (5)

    • “Kikitaon ko an mga matinumanon” (6)

Salmo ni David. Usa nga kanta. 101  Magkakanta ako mahitungod han maunungon nga gugma ngan hustisya. O Jehova, magkakanta ako hin mga pagdayaw* ha imo.   Magios ako nga may kaaram ngan waray ikasaway.* San-o ka makadi ha akon? Magkikinabuhi ako nga may matadong nga* kasingkasing+ ha sulod han akon balay.   Diri ako magbubutang hin bisan ano nga waray pulos* ha atubangan han akon mga mata. Nangangalas ako ha ginbubuhat han mga nasimang tikang ha matadong;+Diri ako manginginlabot ha ira.*   An malimbong nga kasingkasing hirayo ha akon;Diri ako makarawat* han maraot.   An bisan hin-o nga sekreto nga nagpapakaraot ha iya amyaw,+Akon pahihilumon.* An bisan hin-o nga may mapahitas-on nga mga mata ngan arogante nga kasingkasing,Diri ko kukonsinteron.   Kikitaon ko an mga matinumanon ha tuna,Basi mag-ukoy hira kaupod ko. An usa nga naglalakat nga waray ikasaway* magsiserbi ha akon.   Waray malimbong nga tawo nga maukoy ha akon balay,Ngan waray buwaon nga matindog ha akon presensya.*   Kada aga pahihilumon* ko an ngatanan nga magraot ha tuna,Basi wad-on an ngatanan nga nakabuhat hin sala ha syudad ni Jehova.+

Mga footnote

O “magkakanta ako nga ginduduyogan hin mga instrumento.”
O “ngan integridad.”
O “integridad ha.”
O “maraot.”
O “Diri ako mahirani ha ira mga buhat.”
Lit., “mahibabaro.”
O “papatayon.”
O “may integridad.”
Lit., “ha atubangan han akon mga mata.”
O “papatayon.”