Mga Salmo 91:1-16

  • Panalipod ha sekreto nga lugar han Dios

    • Gintalwas ha parapanakop hin tamsi (3)

    • Arayopan ha mga pako han Dios (4)

    • Talwas bisan yinukot an natutumba (7)

    • Mga anghel ginsugo ha pagbantay (11)

91  An bisan hin-o nga naukoy ha sekreto nga lugar han Gihitaasi+Mapahuway ha ilarom han lambong han Makagarahum-ha-ngatanan.+   Masiring ako kan Jehova: “Ikaw an akon arayopan ngan akon balwarte,+An akon Dios nga akon ginsasarigan.”+   Kay tatalwason ka niya tikang ha lit-ag han parapanakop hin tamsi,Tikang ha makamaratay nga peste.   Pinaagi han iya mga barahibo hiya magtatabon* ha imo,Ngan maayop ka ha ilarom han iya mga pako.+ An iya pagkamatinumanon+ magigin usa nga daku nga taming+ ngan usa nga nagpapanalipod nga pader.*   Diri ka mahahadlok ha bisan ano nga peligro ha gab-i,+Ngan ha nalupad nga pana kon adlaw,+   Ngan ha peste nga nagsasarang ha pagsirom,Ngan ha kabungkagan nga nahitatabo ha udto.   Usa ka yukot an matutumba ha imo ligidNgan napulo ka yukot ha imo too nga kamot,Pero diri ito mahirani ha imo.+   Makikita la ito han imo mga mataSamtang nakikita mo an sirot* ha magraot.   Kay ikaw nagsiring: “Hi Jehova an akon arayopan,” Ginhimo mo an Gihitaasi nga imo urukyan;*+ 10  Waray trahedya nga mahitatabo ha imo,+Ngan waray peste nga mahirani ha imo tolda. 11  Kay susugoon niya an iya mga anghel+ may kalabotan ha imo,Nga bantayan ka ha ngatanan mo nga dalan.+ 12  Aalsahon ka nira ha ira mga kamot,+Basi an imo tiil diri mahimalmal ha bato.+ 13  Tatamakan mo an bata pa nga leon ngan an kobra,Pati an mabangis nga leon ngan an daku nga halas.+ 14  An Dios nagsiring: “Tungod kay nahigugma hiya ha akon,* tatalwason ko hiya.+ Akon hiya papanalipdan kay maaram hiya han* akon ngaran.+ 15  Matawag hiya ha akon, ngan babatunon ko hiya.+ Uupdan ko hiya ha kasakitan.+ Tatalwason ko hiya ngan hihimayaon hiya. 16  Babalosan ko hiya hin hilawig nga kinabuhi,+Ngan papakitaon ko hiya han akon mga pagtalwas.”*+

Mga footnote

O “magsasagang ha nahirani.”
O “usa nga kuta.”
Lit., “bulos.”
O posible nga “kuta; arayopan.”
Lit., “inupod hiya ha akon.”
O “ginkikilala niya an.”
O “papakitaon ko hiya han pagtalwas nga tikang ha akon.”