Mga Salmo 145:1-21

  • Gindadayaw an Dios, an harangdon nga Hadi

    • ‘Ipapasamwak ko an pagkaharangdon han Dios’ (6)

    • “Hi Jehova maopay ha ngatanan” (9)

    • “An mga maunungon ha imo magdadayaw ha imo” (10)

    • Waray kataposan nga pagkahadi han Dios (13)

    • Gintatagbaw han kamot han Dios an ngatanan (16)

Pagdayaw ni David. א [Aleph] 145  Papasidunggan ko ikaw, O akon Dios nga Hadi,+Dadayawon ko an imo ngaran ha kadayonan, oo ha kadayonan.+ ב [Beth]   Dadayawon ko ikaw ha bug-os nga adlaw;+Dadayawon ko an imo ngaran ha kadayonan, oo ha kadayonan.+ ג [Gimel]   Hi Jehova harangdon ngan takos gud dayawon;+An iya pagkaharangdon diri matugkad.*+ ד [Daleth]   An ngatanan nga henerasyon magdadayaw han imo mga buhat;Ira isusumat an mahitungod han imo gamhanan nga mga buhat.+ ה [He]   Magyayakan hira mahitungod han mahimayaon nga kadungganan han imo pagkaharangdon+Ngan papamalandungon ko an imo urusahon nga mga buhat. ו [Waw]   Magyayakan hira mahitungod han imo urusahon gud nga mga buhat,*Ngan ipapasamwak ko an imo pagkaharangdon. ז [Zayin]   An ira mga pulong han pagdayaw maawas sugad hin burabod samtang ira nahinunumdoman an imo hura nga pagkamaopay,+Ngan masinggit hira hin malipayon tungod han imo pagkamatadong.+ ח [Heth]   Hi Jehova mapinairon* ngan maloloy-on,+Diri madagmit masina ngan daku an maunungon nga gugma.+ ט [Teth]   Hi Jehova maopay ha ngatanan,+Ngan an iya kalooy nakikita ha ngatanan niya nga buhat. י [Yod] 10  An ngatanan mo nga buhat maghihimaya ha imo, O Jehova,+Ngan an mga maunungon ha imo magdadayaw ha imo.+ כ [Kaph] 11  Ipapasamwak nira an himaya han imo pagkahadi+Ngan magyayakan mahitungod han imo pagkagamhanan,+ ל [Lamed] 12  Basi ipahibaro ha mga tawo an imo gamhanan nga mga buhat+Ngan an mahimayaon nga kadungganan han imo pagkahadi.+ מ [Mem] 13  An imo pagkahadi waray kataposan nga pagkahadi,Ngan an imo pagmando nagpapabilin ha ngatanan nga henerasyon.+ ס [Samekh] 14  Ginbubuligan ni Jehova an ngatanan nga natutumba+Ngan ginbabangon an ngatanan nga nabubug-atan.+ ע [Ayin] 15  An ngatanan nga mata nagkikita ha imo nga naglalaom;Gintatagan mo hira han ira pagkaon ha husto nga panahon.+ פ [Pe] 16  Ginbubuklad mo an imo kamotNgan gintatagbaw an hingyap han tagsa nga buhi nga linarang.+ צ [Tsade] 17  Hi Jehova matadong ha ngatanan nga iya paagi+Ngan maunungon ha ngatanan nga iya ginbubuhat.+ ק [Qoph] 18  Hi Jehova hirani ha ngatanan nga natawag ha iya,+Ha ngatanan nga natawag ha iya uyon ha kamatuoran.*+ ר [Resh] 19  Iya gintatagbaw an hingyap han mga may kahadlok ha iya;+Namamati hiya han ira pangaraba para hin bulig, ngan iya hira gintatalwas.+ ש [Shin] 20  Ginbabantayan ni Jehova an ngatanan nga nahigugma ha iya,+Pero an ngatanan nga magraot iya pupoohon.+ ת [Taw] 21  An akon baba magpapasamwak han pagdayaw kan Jehova;+Hinaot an tagsa nga buhi nga linarang* magdayaw ha iya baraan nga ngaran ha kadayonan, oo ha kadayonan.+

Mga footnote

O “diri kaya masabtan.”
O “gahum.”
O “makonsiderasyon.”
O “nga may sinseridad.”
Lit., “ngatanan nga unod.”