Mga Salmo 23:1-6

  • “Hi Jehova an akon Paraataman”

    • “Diri ako makukulangan” (1)

    • ‘Gintatagan ako hin karepresko’ (3)

    • “An akon kopa uraura kapuno” (5)

Kanta ni David. 23  Hi Jehova an akon Paraataman.*+ Diri ako makukulangan hin bisan ano.+   Iya ako ginpapahigda ha magrabong nga mga panabsaban;Iya ako gintutugwayan ngadto ha mga pahuwayan nga damu an tubig.*+   Gintatagan niya ako* hin karepresko.+ Iya ako gintutugwayan ha mga dalan* han katadongan tungod han iya ngaran.+   Bisan kon naglalakat ako ha walog nga duro an kasirom,+Diri ako nahahadlok ha peligro,+Kay kaupod ko ikaw;+An imo tungkod ngan an imo baston nagpapasarig ha akon.*   Nag-aandam ka hin lamesa para ha akon ha atubangan han akon mga kaaway.+ Imo gintatagan hin karepresko* an akon ulo pinaagi hin lana;+An akon kopa uraura kapuno.+   Sigurado nga maieksperyensyahan ko an imo pagkamaopay ngan maunungon nga gugma ha ngatanan nga adlaw han akon kinabuhi,+Ngan maukoy ako ha balay ni Jehova ha ngatanan ko nga adlaw.+

Mga footnote

Kitaa an “Paraataman hin panon” ha Glossary.
O posible nga “ngadto ha malinaw nga katubigan.”
O “an akon kalag.”
Lit., “mga aragian.”
O “nagliliaw ha akon.”
O “ginhisoan.”