Mga Salmo 66:1-20

  • Urusahon gud nga mga buhat han Dios

    • “Kadi ngan kitaa an mga buhat han Dios” (5)

    • “Tutumanon ko an akon mga saad ha imo” (13)

    • Dios namamati ha pag-ampo (18-20)

Para ha direktor. Usa nga Salmo. Usa nga kanta. 66  An bug-os nga tuna magsinggit ngadto ha Dios tungod han kadaogan.+   Pagkanta hin mga pagdayaw* ha iya mahimayaon nga ngaran. Himayaa hiya pinaagi hin pagdayaw.+   Siring ha Dios: “Urusahon gud an imo mga buhat!+ Tungod han imo daku nga gahum,An imo mga kaaway mangungurog ha imo atubangan.+   An bug-os nga tuna mayukbo ha imo;+Magkakanta hira hin mga pagdayaw ha imo;Magkakanta hira hin mga pagdayaw ha imo ngaran.”+ (Selah)   Kadi ngan kitaa an mga buhat han Dios. Urusahon gud an iya mga ginbubuhat para ha mga anak han mga tawo.+   An dagat iya ginhimo nga magin mamara nga tuna;+Tinabok hira ha salog nga nagbabaktas.+ Didto nagrayhak kami tungod ha iya.+   Nagmamando hiya ha kadayonan+ pinaagi han iya gahum. An iya mga mata padayon nga nagkikita ha mga nasud.+ An mga matig-a an ulo diri sadang maghambog ha ira kalugaringon.+ (Selah)   Dayawa an aton Dios, kamo nga mga katawohan,+Ngan ipabati an tingog han pagdayaw ha iya.   Iya kita gintitipigan nga buhi;*+ Diri niya ginpapabay-an nga mahipakdol* an aton mga tiil.+ 10  Kay imo kami gin-uusisa, O Dios;+Sugad nga ginpupurog an silber, imo liwat kami ginpuputli. 11  Imo kami gindara ngadto ha panlit-ag nga pukot;Nagbutang ka hin mabug-at nga dinara ha amon.* 12  Imo ginpabay-an nga taraan kami* han mortal nga tawo;Ginlatas namon an kalayo ngan an tubig;Katapos, imo kami gindara ha talwas nga lugar. 13  Makada ako ha imo balay nga dara an bug-os nga mga halad nga sinunog;+Tutumanon ko an akon mga saad ha imo+ 14  Nga iginsaad han akon mga im-im+Ngan ginyakan han akon baba han nagsasakit ako. 15  Maghahalad ako ha imo hin mga halad nga sinunog nga pinatambok nga mga hayop Upod an aso han mga halad nga karnero nga lalakí. Maghahalad ako hin todo nga mga baka ngan hin mga kanding nga lalakí. (Selah) 16  Kadi ngan pamati, kamo ngatanan nga may kahadlok ha Dios,Ngan susumatan ko kamo han iya ginbuhat para ha akon.*+ 17  Gintawag ko hiya pinaagi han akon babaNgan ginhimaya ko hiya pinaagi han akon dila. 18  Kon nagtipig ako ha akon kasingkasing hin bisan ano nga nakakasakit,Waray unta ako pamatii ni Jehova.+ 19  Pero namati gud an Dios;+Naghatag hiya hin atensyon ha akon pag-ampo.+ 20  Pagdayawon an Dios nga waray magsalikway han akon pag-ampo O magpugong han iya maunungon nga gugma ha akon.

Mga footnote

O “Pagkanta nga ginduduyogan hin mga instrumento.”
O “ginsisiguro nga buhi an aton kalag.”
O “mabantad; mauy-og.”
Lit., “ha amon baliatang.”
Lit., “an amon ulo.”
O “akon kalag.”