Mga Salmo 52:1-9

  • Pagsarig ha maunungon nga gugma han Dios

    • Mga naghahambog ha karaotan ginpahamangnoan (1-5)

    • Diri diosnon nasarig ha karikohan (7)

Para ha direktor. Maskil.* Salmo ni David, han inabot an Edomita nga hi Doeg ngan ginsumatan hi Saul nga hi David kinadto ha balay ni Ahimelec.+ 52  Kay ano nga iginhahambog mo an imo magraot nga mga buhat, ikaw nga makusog nga tawo?+ An maunungon nga gugma han Dios nagpapadayon ha bug-os nga adlaw.+   An imo dila, nga matarom sugad hin labaha,+Nagpaplano hin maraot ngan nagbubuhat hin malimbong.+   Mas hinigugma mo an maraot kay han maopay,An pagbuwa kay han pagyakan han husto. (Selah)   Hinigugma mo an tagsa nga nakakadaot nga pulong,O ikaw nga malimbong nga dila!   Ito an hinungdan nga bubutungon ka han Dios tipaubos ngan diri ka na gud makakabuhát utro;+Rarabuton ka niya ngan dadanason tipagawas ha imo tolda;+Gagabuton ka niya tikang ha tuna han mga buhi.+ (Selah)   Makikita ito han magtadong ngan matinalahuron nga mahahadlok hira,+Ngan ira pagtataw-an hiya.+   “Kitaa, waray himoa hini nga tawo an Dios nga iya arayopan,*+ Lugod sinarig hiya ha iya damu nga karikohan+Ngan tinapod* ha iya mismo maraot nga mga plano.”*   Pero ako magigin sugad hin marampag nga kahoy nga olibo ha balay han Dios;Nasarig ako ha maunungon nga gugma han Dios,+ ha kadayonan, oo ha kadayonan.   Dadayawon ko ikaw ha kadayonan tungod kay ginios ka;+Ha atubangan han mga maunungon ha imo,Maglalaom ako ha imo ngaran,+ kay maopay ito.

Mga footnote

Kitaa an Glossary.
O “kuta.”
O “sinirong.”
Lit., “mga kakurian nga pinaagi ha iya.”