Mga Salmo 14:1-7
Para ha direktor. Salmo ni David.
14 An tawo nga lurong* nasiring ha iya kasingkasing:
“Waray Jehova.”+
An ira mga buhat maraot, ngan an ira mga panggawi mangil-ad;Waray bisan usa nga nagbubuhat hin maopay.+
2 Kondi tikang ha langit, hi Jehova natamod ha mga anak han mga tawo
Basi kitaon kon may bisan hin-o nga may hilarom nga pagsabot, kon may bisan hin-o nga namimiling kan Jehova.+
3 Hira ngatanan sinimang;+Hira ngatanan parapriho magraot.
Waray bisan usa nga nagbubuhat hin maopay,Waray gud bisan usa.
4 Diri ba nakakasabot an mga magburuhat hin sala?
Ira ginlalamoy an akon katawohan nga baga hin nakaon hira hin tinapay.
Diri hira natawag kan Jehova.
5 Pero maabat hira hin duro gud nga kahadlok,+Kay hi Jehova kaupod han henerasyon han magtadong.
6 Kamo nga mga magburuhat hin sala nagsasari nga pakyason an mga plano han ubos nga tawo,Kondi hi Jehova an iya arayopan.+
7 O magtikang unta ha Zion an katalwasan han Israel!+
Kon tirukon utro ni Jehova an iya katawohan nga nabihag,Malipay unta hi Jacob, magrayhak unta an Israel.
Mga footnote
^ O “waray buot.”
