Mga Salmo 19:1-14

  • An linarang ngan balaud han Dios nagpapamatuod

    • “Langit nagpapahayag han himaya han Dios” (1)

    • Perpekto nga balaud han Dios nagpapahiuli han kusog (7)

    • “Mga sala nga diri ako maaram” (12)

Para ha direktor. Kanta ni David. 19  An langit nagpapahayag han himaya han Dios;+An kalangitan ha igbaw* nagpapasamwak han buhat han iya mga kamot.+   Ha kada adlaw nagawas an ira mga pulong,Ngan ha kada gab-i nagpapakita hira hin kahibaro.   Waray yakan, ngan waray mga pulong;An ira tingog diri nababatian.   Pero nakakaabot ha bug-os nga tuna an ira tunog,*Ngan an ira mensahe ngadto ha mga sidsid han inuukyan nga tuna.*+ Ha langit nagtindog hiya hin tolda para ha adlaw;   Pariho ito hin karaslon nga lalaki nga nagawas tikang ha kwarto;Nagrarayhak ito pariho hin makusog nga lalaki nga nagdidinalagan ha usa nga rumba.   Nagawas ito tikang ha usa nga kataposan han langit,Ngan nalibot ito ngadto ha luyo nga kataposan;+Ngan waray nakakatago tikang ha kapaso hito.   An balaud ni Jehova perpekto,+ nagpapahiuli han kusog.*+ An pahinumdom ni Jehova masasarigan,+ nakakahimo ha waray eksperyensya nga magin maaramon.+   An mga turumanon nga tikang kan Jehova matadong, nakakapalipay ha kasingkasing;+An sugo ni Jehova limpyo, nakakapalamrag han mga mata.+   An kahadlok kan Jehova putli,+ nagpapadayon ha waray kataposan. An mga paghukom ni Jehova tinuod, matadong ito ngatanan.+ 10  Mas hiringyapon ito kay han bulawan,Kay han damu nga mag-opay nga klase hin* bulawan,+Ngan mas matam-is kay han dugos,+ an dugos nga nagtuturo tikang ha mga udlan. 11  Pinaagi hito napapahamangnoan an imo surugoon;+Ha pagsunod hito, may daku nga balos.+ 12  Hin-o an makakasabot han mga sayop?+ Ipahayag ako nga inosente ha mga sala nga diri ako maaram. 13  Ngan pugngi an imo surugoon nga magparagbuot;+Ayaw pabay-i nga magmando ito ha akon.+ Basi waray ikasaway ha akon,+Ngan inosente ha dayag nga mga sala.* 14  Hinaot an mga pulong han akon baba ngan an pagpamalandong han akon kasingkasingMakapalipay ha imo,+O Jehova, nga akon Bato+ ngan akon Paratubos.+

Mga footnote

O “haluag nga espasyo.”
O posible nga “higot nga isurukol.”
O “mabungahon nga tuna.”
O “nagpapahiuli (nagbabalik) han kalag.”
O “ginpurog nga.”
O “damu nga pagtalapas.”