Mga Salmo 43:1-5

  • Nagtatalwas an Dios sugad nga Hukom

    • ‘Ipasanag an imo kalamrag ngan kamatuoran’ (3)

    • “Kay ano nga masurub-on ako?” (5)

    • “Paghulat ha Dios” (5)

43  Hukmi ako, O Dios,+Depensahi an akon kaso+ kontra ha diri maunungon nga nasud. Talwasa ako tikang ha tawo nga malimbong ngan diri matadong.   Kay ikaw an akon Dios, an akon kuta.+ Kay ano nga iginsalikway mo ako? Kay ano nga kinahanglan ako maglinakat nga masurub-on tungod han panalumpigos han akon kaaway?+   Ipasanag an imo kalamrag ngan an imo kamatuoran.+ Hinaot magtugway ito ha akon;+Hinaot maggiya ito ha akon ngadto ha imo baraan nga bukid ngan ha imo harangdon nga tabernakulo.+   Ngan makadto ako ha halaran han Dios,+Ha Dios, nga akon duro nga nalilipayan. Ngan dadayawon ko ikaw pinaagi han arpa,+ O Dios, nga akon Dios.   Kay ano nga masurub-on ako?* Kay ano nga naabat ako hin kabaraka? Paghulat ha Dios,+Kay dadayawon ko pa hiya sugad nga akon Harangdon nga Paratalwas ngan akon Dios.+

Mga footnote

O “an akon kalag.”