Mga Salmo 11:1-7

  • Pag-ayop kan Jehova

    • “Hi Jehova aadto ha iya baraan nga templo” (4)

    • An Dios nangangalas ha nahigugma han kamadarahog (5)

Para ha direktor. Salmo ni David. 11  Kan Jehova ako naayop.+ Salit kay ano nga nasiring kamo ha akon:* “Palagiw pariho hin tamsi ngadto ha iyo bukid!   Kitaa kon paonan-o gin-aandam* han magraot an bawog;Ira iginbubutang ha bawog an ira pana,Basi panaon tikang ha kasisidman an mga tangkod an kasingkasing.   Kon madaot an mga pundasyon,*Ano an mahihimo han matadong?”   Hi Jehova aadto ha iya baraan nga templo.+ An trono ni Jehova aadto ha langit.+ An iya mismo mga mata nagkikita, an iya mabinantayon* nga mga mata nag-uusisa ha mga anak han mga tawo.+   Gin-uusisa ni Jehova an matadong sugad man an maraot;+Hiya* nangangalas ha bisan hin-o nga nahigugma han kamadarahog.+   Ha magraot magpapauran hiya hin mga bitik;*Kalayo ngan asupre+ ngan mapaso hinduro nga hangin an magigin bahín han ira kopa.   Kay hi Jehova matadong;+ nahigugma hiya ha magtadong nga mga buhat.+ An mga tangkod makakakita han iya nawong.*+

Mga footnote

O “akon kalag.”
O “gintataoran hin higot.”
O “an mga pundasyon han hustisya.”
O “naglalamrag.”
O “An iya kalag; Hiya mismo.”
O posible nga “nagkakalayo nga mga baga.”
O “makakapahimulos han iya pag-uyon.”