Mga Salmo 93:1-5
93 Hi Jehova nagin Hadi!+
Nababadoan hiya hin pagkaharangdon;Hi Jehova nababadoan hin kusog;Ginsusul-ot niya ito pariho hin paha.
An tuna* marig-on nga gin-establisar;Diri ito mababalhin.*
2 An imo trono marig-on nga gin-establisar hadto pa;+Tikang ha waray tinikangan naeksister ka na.+
3 Nagbaha an mga salog, O Jehova,Nagbaha an mga salog ngan naghaganas;An mga salog padayon nga nagbabaha ngan nahagubuhob.
4 Ha bawbaw han aringasa han damu nga katubigan,Mas makusog kay han napusak nga mga balud ha dagat,+Hi Jehova harangdon dida ha kahitas-an.+
5 Masasarigan gud an imo mga pahinumdom.+
O Jehova, an imo balay naaadornohan* han pagkabaraan+ ha ngatanan nga panahon.
