Mga Salmo 29:1-11
Kanta ni David.
29 Ihatag kan Jehova an angay ha iya, kamo nga mga anak nga lalaki han magkusog nga mga tawo,Ihatag kan Jehova an angay ha iya tungod han iya himaya ngan kusog.+
2 Ihatag kan Jehova an himaya nga angay ha iya ngaran.
Yukbo* kan Jehova nga sul-ot an iyo baraan nga mga bado.*
3 An tingog ni Jehova nababatian ha bawbaw han katubigan;An mahimayaon nga Dios nagpapadalugdog.+
Hi Jehova aada ha bawbaw han damu nga katubigan.+
4 An tingog ni Jehova gamhanan;+An tingog ni Jehova makaruruyag gud.
5 An tingog ni Jehova nagbabari han mga kahoy nga sedro;Oo, gin-uutod-utod ni Jehova an mga kahoy nga sedro han Lebanon.+
6 Iya ginpapalukso-lukso an Lebanon* sugad hin nati nga baka,Ngan an Sirion+ sugad hin ihalas nga turilyo nga baka.
7 An tingog ni Jehova nagpapagawas hin mga laga han kalayo;+
8 An tingog ni Jehova nakakapakurog han kamingawan;+Ginpapakurog ni Jehova an kamingawan han Kades.+
9 An tingog ni Jehova nakakapakurog ngan nakakapaanak han bugsokNgan nakakakalbo han mga kagurangan.+
Ngan an ngatanan ha iya templo nasiring: “Himaya!”
10 Hi Jehova nalingkod ha trono ha bawbaw han nagbabaha nga katubigan;*+
Hi Jehova nalingkod ha trono sugad nga Hadi ha kadayonan.+
11 Hi Jehova maghahatag hin kusog ha iya katawohan.+
Hi Jehova magbibendisyon hin kamurayawan ha iya katawohan.+
Mga footnote
^ O “Pagsingba.”
^ O posible nga “tungod han pagin harangdon han iya pagkabaraan.”
^ Matin-aw nga an kabukiran han Lebanon.
^ O “han kadagatan ha langit.”
