Zaburi 90:1-17
Sala ya Musa, mutu wa Mungu wa kweli.+
90 Ee Yehova, umekuwa makao yetu*+ katika vizazi vyote.
2 Mbele milima haijazaliwa
Ao mbele haujatokeza* dunia na inchi yenye kuzaa,+
Tangu milele mupaka milele, wewe ni Mungu.+
3 Unamufanya mwanadamu mwenye anaweza kufa arudie katika mavumbi;
Unasema: “Murudie, ninyi wana wa binadamu.”+
4 Kwa maana miaka elfu moja (1 000) mbele ya macho yako ni kama vile siku ya jana ikiisha kupita,+
Kama vile kesha moja la usiku.
5 Unawafagilia mbali;+ wanakuwa kama usingizi tu;
Asubui, wao ni kama majani yenye kuchipuka.+
6 Asubui yanatoa maua na kuwa mupya,
Lakini mangaribi yanafifia na kukauka.+
7 Kwa maana tumeteketezwa na hasira yako+
Na tumeogopeshwa sana na kasirani yako kali.
8 Unatia makosa yetu mbele yako;*+
Siri zetu zinafunuliwa na mwangaza wa uso wako.+
9 Siku zetu zinafifia* kwa sababu ya kasirani yako kali;
Na miaka yetu inafikia mwisho kama sauti ya chini-chini.
10 Urefu wa maisha yetu ni miaka makumi saba (70),
Ao makumi munane (80)+ kama mutu iko* na nguvu za pekee.*
Lakini imejaa taabu na huzuni;
Na inapita haraka, na tunaenda zetu.+
11 Ni nani anaweza kuelewa nguvu za hasira yako?
Kasirani yako kali ni kubwa kama woga wenye unastahili kuonyeshwa.+
12 Utufundishe namna ya kuhesabia siku zetu+
Ili tupate moyo wa hekima.
13 Rudia, Ee Yehova!+ Hilo litaendelea mupaka wakati gani?+
Sikilia huruma watumishi wako.+
14 Utushibishe asubui kwa upendo wako mushikamanifu,+
Ili tupige vigelegele vya shangwe na kushangilia+ siku zetu zote.
15 Utufanye tushangilie kulingana na siku zenye umetutesa,+
Kwa kadiri ya miaka mingi yenye tumepata musiba.+
16 Watumishi wako waone kazi zako,
Na wana wao waone utukufu wako.+
17 Wema wa Yehova Mungu wetu ukuwe juu yetu;
Fanya kazi ya mikono yetu ifanikiwe.*
Ndiyo, fanya kazi ya mikono yetu ifanikiwe.*+
Maelezo ya Chini
^ Ao pengine, “kimbilio letu.”
^ Ao “haujatokeza kama kwa maumivu ya kuzaa.”
^ Ao “Unajua makosa yetu.”
^ Ao “Maisha yetu yanafifia.”
^ Ao “eko.”
^ Ao “kwa sababu ya uwezo wa pekee.”
^ Ao “Fanya kazi ya mikono yetu ikuwe imara kabisa.”
^ Ao “fanya kazi ya mikono yetu ikuwe imara kabisa.”
