Zaburi 118:1-29
118 Mumushukuru Yehova, kwa maana yeye ni mwema;+
Upendo wake mushikamanifu unadumu milele.
2 Israeli aseme sasa:
“Upendo wake mushikamanifu unadumu milele.”
3 Watu wa nyumba ya Haruni waseme sasa:
“Upendo wake mushikamanifu unadumu milele.”
4 Wale wenye kumuogopa Yehova waseme sasa:
“Upendo wake mushikamanifu unadumu milele.”
5 Nilimuitia Yah* katika taabu yangu;
Yah akanijibu na kunipeleka mahali salama.*+
6 Yehova iko* upande wangu; sitaogopa.+
Mwanadamu anaweza kunifanya nini?+
7 Yehova iko* upande wangu akiwa musaidizi wangu;*+
Nitaangalia kwa furaha kushindwa kwa wale wenye kunichukia.+
8 Ni muzuri kumukimbilia Yehova
Kuliko kutegemea wanadamu.+
9 Ni muzuri kumukimbilia Yehova
Kuliko kutegemea wakubwa.+
10 Mataifa yote yalinizunguka,
Lakini katika jina la Yehova,
Niliyafukuza.+
11 Yalinizunguka, ndiyo, yalinizunguka kabisa,
Lakini katika jina la Yehova,
Niliyafukuza.
12 Yalinizunguka kama nyuki,
Lakini yalizimwa haraka kama moto kati ya miiba.
Katika jina la Yehova,
Niliyafukuza.+
13 Nilisukumwa kwa nguvu* ili nianguke,
Lakini Yehova alinisaidia.
14 Yah ni mahali pangu pa kujificha na nguvu zangu,
Na amekuwa wokovu wangu.+
15 Sauti ya shangwe na wokovu*
Iko katika mahema ya wenye haki.
Mukono wa kuume wa Yehova unaonyesha nguvu zake.+
16 Mukono wa kuume wa Yehova unajiinua;
Mukono wa kuume wa Yehova unaonyesha nguvu zake.+
17 Sitakufa, hapana, nitaishi,
Ili nitangaze kazi za Yah.+
18 Yah alinitia nizamu kwa ukali,+
Lakini hakunitia katika mukono wa kifo.+
19 Munifungulie milango mikubwa ya haki;+
Nitaingia ndani na kumusifu Yah.
20 Huu ni mulango mukubwa wa Yehova.
Wenye haki wataingia kupitia mulango huo.+
21 Nitakusifu, kwa maana ulinijibu+
Na ukakuwa wokovu wangu.
22 Jiwe lenye wajenzi walikataa
Limekuwa jiwe kubwa la pembe.*+
23 Hili limetoka kwa Yehova;+
Ni la ajabu mbele ya macho yetu.+
24 Hii ndiyo siku yenye Yehova amefanya;
Tutaifurahia na kuishangilia.
25 Yehova, utuokoe, tafazali, tunakulilia!
Yehova, utupatie ushindi, tafazali!
26 Amebarikiwa ule mwenye anakuja katika jina la Yehova;+
Tunakubariki kutoka katika nyumba ya Yehova.
27 Yehova ni Mungu;
Anatupatia mwangaza.+
Mujiunge na maandamano ya sikukuu mukiwa na matawi katika mikono,+
Mupaka kwenye pembe za mazabahu.+
28 Wewe ni Mungu wangu, na nitakusifu;
Mungu wangu, nitakutukuza.+
29 Mumushukuru Yehova,+ kwa maana yeye ni mwema;
Upendo wake mushikamanifu unadumu milele.+
Maelezo ya Chini
^ Ao “Haleluya!” “Yah” ni kifupi cha jina Yehova.
^ Ao “mahali penye nafasi kubwa.”
^ Ao “eko.”
^ Ao “eko.”
^ Ao pengine, “pamoja na wale wenye kunisaidia.”
^ Ao pengine, “Ulinisukuma kwa nguvu.”
^ Ao “ushindi.”
^ Tnn., “kichwa cha pembe.”
