Zaburi 106:1-48
106 Mumusifu Yah!*
Mumushukuru Yehova, kwa maana yeye ni mwema;+Upendo wake mushikamanifu unadumu milele.+
2 Ni nani anaweza kutangaza kikamili matendo ya Yehova yenye nguvuAo kutangaza matendo yake yote yenye kustahili sifa?+
3 Wenye furaha ni wale wenye wanatenda haki,Wenye sikuzote wanatenda mambo yenye kuwa sawa.+
4 Unikumbuke, Ee Yehova, wakati unaonyesha watu wako wema.*+
Unitunze kupitia matendo yako ya wokovu,
5 Ili nifurahie wema wenye unaonyesha wachaguliwa wako,+Ili nishangilie pamoja na taifa lako,Ili nikusifu kwa majivuno* pamoja na uriti wako.
6 Tumetenda zambi kama vile mababu zetu walifanya;+Tumefanya kosa; tumetenda uovu.+
7 Mababu zetu kule Misri hawakuona kazi zako za ajabu kuwa za maana.*
Hawakukumbuka upendo wako mwingi mushikamanifu,Lakini waliasi kwenye bahari, pembeni ya Bahari Nyekundu.+
8 Lakini aliwaokoa kwa ajili ya jina lake,+Ili kufanya nguvu zake zijulikane.+
9 Alikemea Bahari Nyekundu, na ikakauka;Aliwaongoza katika sehemu za chini kabisa kama vile katika jangwa;+
10 Aliwaokoa kutoka katika mukono wa adui yao+Na aliwakomboa kutoka katika mukono wa adui.+
11 Maji yalifunika wapinzani wao;Hakuna hata mumoja wao mwenye aliokoka.*+
12 Kisha wakakuwa na imani katika ahadi yake;+Wakaanza kuimba sifa yake.+
13 Lakini walisahau haraka mambo yenye alifanya;+Hawakungojea shauri lake.
14 Walifuata tamaa zao za uchoyo katika jangwa;+Walimujaribu Mungu katika jangwa.+
15 Aliwapatia kile waliomba,Lakini akawapiga kwa ugonjwa wenye uliwafanya kuwa wazaifu.*+
16 Walimusikilia Musa wivu katika kambiNa pia Haruni,+ mutakatifu wa Yehova.+
17 Kisha dunia ikafunguka na kumumeza DataniNa kufunika wale wenye walikusanyika pamoja na Abiramu.+
18 Moto uliwaka kati ya kikundi chao;Mwali wa moto uliteketeza waovu.+
19 Walitengeneza kitoto-dume cha ngombe kule HorebuNa kuinamia sanamu ya metali;*+
20 Pa nafasi ya utukufu wanguWalitia mufano wa ngombe-dume mwenye kula majani.+
21 Walimusahau Mungu+ Mwokozi wao,Mwenye alifanya mambo makubwa katika Misri,+
22 Kazi za ajabu katika inchi ya Hamu,+Matendo yenye kuogopesha sana kwenye Bahari Nyekundu.+
23 Alikuwa karibu kuagiza waharibiwe,Lakini Musa, muchaguliwa wake, akamulilia*Ili kuzuia kasirani yake yenye kuharibu.+
24 Kisha wakazarau ile inchi yenye kutamanika;+Hawakukuwa na imani katika ahadi yake.+
25 Waliendelea kunungunika katika mahema yao;+Hawakusikiliza sauti ya Yehova.+
26 Kwa hiyo akainua mukono wake na kuapa kuwahusuKwamba angefanya waanguke katika jangwa;+
27 Angefanya wazao wao waanguke kati ya mataifa,Na angewasambaza katika inchi mbalimbali.+
28 Kisha wakajiunga* na ibada ya Baali wa Peori,+Na wakakula zabihu zenye zilitolewa kwa wafu.*
29 Walimukasirisha Yeye kupitia matendo yao,+Na pigo likatokea kati yao.+
30 Lakini wakati Finehasi alisimama na kuingilia kati,Pigo hilo likasimamishwa.+
31 Na jambo hilo likahesabiwa kwake kuwa hakiKatika vizazi vyote milele.+
32 Walimukasirisha kwenye maji ya Meriba,*Na mambo yakamuendea Musa mubaya kwa sababu yao.+
33 Walitia uchungu roho yake,Naye akaongea bila kufikiri kupitia midomo yake.+
34 Hawakuharibu vikundi vya watu,+Kama vile Yehova alikuwa amewaamuru.+
35 Lakini walichangamana na mataifa hayo+Na kukubali* njia zao.+
36 Waliendelea kutumikia sanamu zao,+Na hizo zikakuwa mutego kwao.+
37 Walikuwa wanatoa watoto wao wanaume kuwa zabihuNa watoto wao wanamuke kwa pepo wachafu.+
38 Waliendelea kumwanga damu yenye haina kosa,+Damu ya watoto wao wanaume na watoto wao wanamukeWenye walitoa kuwa zabihu kwa sanamu za Kanaani;+Na inchi ikachafuliwa kupitia umwangaji wa damu.
39 Wakakuwa wachafu kwa sababu ya kazi zao;Walifanya ukahaba wa kiroho kupitia matendo yao.+
40 Kwa hiyo kasirani ya Yehova ikawaka juu ya watu wake,Na akachukia sana uriti wake.
41 Aliwatia tena na tena katika mukono wa mataifa,+Ili wale wenye waliwachukia watawale juu yao.+
42 Maadui wao waliwakandamiza,Na wakatiishwa chini ya nguvu zao.*
43 Aliwaokoa mara nyingi,+Lakini walikuwa wanaasi na kukosa kutii,+Na walikuwa wanashushwa chini kwa sababu ya kosa lao.+
44 Lakini alikuwa anaona taabu yao+Na kusikia kilio chao cha kuomba musaada.+
45 Kwa ajili yao alikuwa anakumbuka agano lake,Na alikuwa anasikia huruma,* akichochewa na upendo wake mwingi mushikamanifu.+
46 Alikuwa anawafanya wasikiliwe hurumaNa wale wote wenye waliwakamata mateka.+
47 Utuokoe, Ee Yehova Mungu wetu,+Na kutukusanya kutoka katika mataifa+Ili tushukuru jina lako takatifuNa tukusifu kwa shangwe.*+
48 Yehova, Mungu wa Israeli, asifiweKwa umilele wote.*+
Na acha watu wote waseme, “Amina!”*
Mumusifu Yah!*
Maelezo ya Chini
^ Ao “Haleluya!” “Yah” ni kifupi cha jina Yehova.
^ Ao “nia njema.”
^ Ao “nijisifie wewe.”
^ Ao “hawakuelewa maana ya kazi zako za ajabu.”
^ Ao “alibakia.”
^ Ao “ulifanya nafsi yao kuwa zaifu.”
^ Ao “sanamu ya kuyeyushwa.”
^ Tnn., “akasimama kwenye mupasuko huo mbele yake.”
^ Ao “wakashikamana.”
^ Ni kusema, zabihu zenye zilitolewa kwa watu wenye walikuwa wamekufa ao kwa miungu yenye haina uzima.
^ Maana yake “Ugomvi.”
^ Ao “kujifunza.”
^ Tnn., “mukono wao.”
^ Ao “anasikitika.”
^ Ao “tushangilie katika sifa yako.”
^ Ao “Tangu milele mupaka milele.”
^ Ao “Ikuwe vile!”
^ Ao “Haleluya!” “Yah” ni kifupi cha jina Yehova.
