Zaburi 42:1-11
Kwa kiongozi. Maskili*ya wana wa Kora.+
42 Kama vile paa anatamani mito midogo ya maji,Ni vile ninakutamani,* Ee Mungu.
2 Niko na kiu kwa ajili ya Mungu, kwa ajili ya Mungu mwenye kuishi.+
Nikuje wakati gani na kuonekana mbele ya Mungu?+
3 Machozi yangu ni chakula changu muchana na usiku;Muchana wote watu wananichokoza: “Mungu wako iko* wapi?”+
4 Ninakumbuka mambo haya, na ninamwanga nafsi* yangu,Kwa maana wakati fulani nilitembea pamoja na kikundi cha watu;Nilizoea kutembea kwa huzuni* mbele yao mupaka kwenye nyumba ya Mungu,Kwa sauti za shangwe na shukrani,Za watu wengi wenye kufanya sikukuu.+
5 Sababu gani nimepoteza tumaini?*+
Sababu gani musukosuko huu uko ndani yangu?
Umungojee Mungu,+Kwa maana bado nitamusifu kwa kuwa yeye ni Mwokozi wangu Mukubwa.+
6 Mungu wangu, nimepoteza* tumaini.+
Ndiyo sababu ninakukumbuka,+Kutoka katika inchi ya Yordani na vichwa vya Hermoni,Kutoka kwenye Mulima Mizari.*
7 Maji yenye kuenda chini sana yanaita maji yenye kuenda chini sanaKwa sauti ya maporomoko yako ya maji.
Mawimbi yako yote makubwa yamenilemea.+
8 Wakati wa muchana Yehova atanipatia upendo wake mushikamanifu,Na usiku wimbo wake utakuwa pamoja na mimi—sala kwa Mungu wa uzima wangu.+
9 Nitamuambia Mungu, mwamba wangu:
“Sababu gani umenisahau?+
Sababu gani nitembee huku na huku nikiwa na huzuni kwa sababu ya kukandamizwa na adui yangu?”+
10 Maadui wangu wananichokoza kwa chuki kali sana;*Muchana wote wananichokoza: “Mungu wako iko* wapi?”+
11 Sababu gani nimepoteza* tumaini?
Sababu gani musukosuko huu uko ndani yangu?
Umungojee Mungu,+Kwa maana bado nitamusifu kwa kuwa yeye ni Mwokozi wangu Mukubwa na Mungu wangu.+
Maelezo ya Chini
^ Angalia Maana ya Maneno.
^ Ao “nafsi yangu inakutamani.”
^ Ao “eko.”
^ Angalia Maana ya Maneno.
^ Ao “polepole.”
^ Ao “nafsi yangu imepoteza tumaini.”
^ Ao “nafsi yangu imepoteza.”
^ Ao “ule mulima mudogo.”
^ Ao pengine, “kama vile wanaponda mifupa yangu.”
^ Ao “eko.”
^ Ao “nafsi yangu imepoteza.”
