Zaburi 57:1-11

  • Sala ya kuomba rehema

    • Kukimbilia chini ya mabawa ya Mungu (1)

    • Maadui wanaanguka katika mutego wao wenyewe (6)

Kwa kiongozi; imepatanishwa na “Usiharibu.” Ya Daudi. Miktamu.* Wakati alimukimbia Sauli na kuingia katika pango.+ 57  Unionyeshe wema, Ee Mungu, unionyeshe wema, Kwa maana ninakukimbilia,*+ Na ninakimbilia kivuli cha mabawa yako mupaka magumu yangu yapite.+   Ninamuita Mungu Mwenye Kuwa Juu Zaidi, Mungu wa kweli, mwenye anamaliza magumu hayo kwa ajili yangu.   Atatuma musaada kutoka mbinguni na kuniokoa.+ Atamuvuruga ule mwenye anataka kuniuma. (Sela) Mungu atatuma upendo wake mushikamanifu na uaminifu wake.+   Nimezungukwa* na simba;+ Nimelazimika kulala kati ya watu wenye wanataka kunimeza, Wenye meno yao ni mikuki na mishale Na wenye ulimi wao ni upanga mukali.+   Uinuliwe juu ya mbingu, Ee Mungu; Utukufu wako ukuwe juu ya dunia yote.+   Wametayarisha wavu* ili kunasa miguu yangu;+ Nimeinama* chini kwa sababu ya taabu.+ Wamechimba shimo mbele yangu, Lakini wao wenyewe wameanguka ndani.+ (Sela)   Moyo wangu uko imara, Ee Mungu,+ Moyo wangu uko imara. Nitaimba na kupiga muziki.   Amuka, utukufu wangu. Amuka, Ee chombo cha kamba; na wewe pia, Ee kinubi. Nitaamusha mapambazuko.*+   Nitakusifu kati ya vikundi vya watu, Ee Yehova;+ Nitakuimbia sifa* kati ya mataifa.+ 10  Kwa maana upendo wako mushikamanifu ni mwingi, uko juu kama mbingu,+ Na uaminifu wako, unafika mupaka kwenye anga. 11  Uinuliwe juu ya mbingu, Ee Mungu; Utukufu wako ukuwe juu ya dunia yote.+

Maelezo ya Chini

Ao “nafsi yangu inakukimbilia.”
Ao “Nafsi yangu imezungukwa.”
Ao “makila.”
Ao “Nafsi yangu imeinama.”
Mapambazuko ni wakati mwangaza wa asubui unaanza kutokea.
Ao “Nitakupigia muziki.”