Zaburi 74:1-23
Maskili.* Ya Asafu.+
74 Ee Mungu, sababu gani umetukataa milele?+
Sababu gani kasirani yako inawaka* juu ya kundi la malisho yako?+
2 Kumbuka watu* wenye ulijipatia zamani sana,+
Kabila lenye ulikomboa ili likuwe uriti wako.+
Kumbuka Mulima Sayuni, kwenye umekaa.+
3 Elekeza hatua zako kwenye mabomoko ya kudumu.+
Adui ameharibu kila kitu katika mahali patakatifu.+
4 Maadui wako walinguruma ndani ya mahali pako pa mukutano.*+
Wamesimamisha bendera zao wenyewe ili zikuwe alama kule.
5 Walikuwa kama watu wenye kutumia mashoka ili kukata pori lenye miti yenye kusongamana.
6 Walivunja-vunja michongo yake yote+ kwa mashoka na fito za chuma.
7 Waliunguza patakatifu pako.+
Walichafua tabenakulo yenye kubeba jina lako, wakaiangusha chini.
8 Wao pamoja na uzao wao wamesema katika mioyo yao:
“Kila mahali pa mukutano pa Mungu* katika inchi lazima pateketezwe kwa moto.”
9 Hatuone alama yoyote;
Hakuna tena nabii yeyote,
Na hakuna hata mutu mumoja kati yetu mwenye anajua kama hali hii itaendelea mupaka wakati gani.
10 Ee Mungu, mupinzani ataendelea kuchokoza mupaka wakati gani?+
Je, adui ataendelea kukosea heshima jina lako milele?+
11 Sababu gani unazuia mukono wako, mukono wako wa kuume?+
Uuchomoe katika kifua chako* na kuwaharibu.
12 Lakini Mungu ni Mufalme wangu tangu zamani sana,
Yeye mwenye kufanya matendo ya wokovu katika dunia.+
13 Ulivuruga bahari kwa nguvu zako;+
Uliponda vichwa vya wanyama wakubwa wa bahari katika maji.
14 Uliponda vichwa vya Leviatani;*
Ukapatia watu Leviatani kuwa chakula, wale wenye kukaa katika jangwa.
15 Ulipasua njia kwa ajili ya chemchemi na mito midogo;+
Ulikausha mito yenye inaendelea kutiririka.+
16 Muchana ni wako, na usiku pia.
Uliumba kitu cha kutoa mwangaza na jua.+
17 Uliweka mipaka yote ya dunia;+
Uliumba kipindi cha joto na kipindi cha baridi.+
18 Kumbuka zihaka za adui, Ee Yehova,
Namna taifa pumbavu linakosea heshima jina lako.+
19 Usipatie wanyama wa pori uzima wa* njiwa-tetere wako.
Usisahau milele uzima wa watu wako wenye kuteseka.
20 Kumbuka lile agano,
Kwa maana sehemu za dunia zenye giza zimejaa makao ya jeuri.
21 Mutu mwenye amepondwa asigeuke na kuenda zake akiwa amepoteza tumaini;+
Watu wa hali ya chini na maskini wasifu jina lako.+
22 Simama, Ee Mungu, na utetee kesi yako ya hukumu.
Kumbuka namna wapumbavu wanakuchokoza muchana wote.+
23 Usisahau mambo yenye maadui wako wanasema.
Makelele ya wale wenye kukupinga yanapanda juu kila wakati.
Maelezo ya Chini
^ Angalia Maana ya Maneno.
^ Tnn., “inatoa moshi.”
^ Tnn., “mukusanyiko wako.”
^ Ao “mukusanyiko.”
^ Ao “Kila mahali kwenye Mungu anaabudiwa.”
^ Ao “kutoka katika mikunjo ya nguo yako.”
^ Angalia Maana ya Maneno.
^ Ao “nafsi ya.”
