Zaburi 26:1-12

  • Kutembea katika uaminifu-mushikamanifu

    • “Unichunguze, Ee Yehova” (2)

    • Kuepuka mashirika ya mubaya (4, 5)

    • ‘Nitatembea kuzunguka mazabahu ya Mungu’ (6)

Ya Daudi. 26  Unihukumu, Ee Yehova, kwa maana nimetembea katika uaminifu-mushikamanifu wangu;+Nimemutegemea Yehova bila kuyumba-yumba.+  2  Unichunguze, Ee Yehova, na unijaribu;Usafishe mawazo yangu ya ndani kabisa* na pia moyo wangu.+  3  Kwa maana upendo wako mushikamanifu uko mbele yangu sikuzote,Na ninatembea katika kweli yako.+  4  Sishirikiane* na watu wadanganyifu,+Na ninaepuka wale wenye kuficha namna wako.*  5  Ninachukia kuwa pamoja na waovu,+Na ninakataa kushirikiana* na waovu.+  6  Nitanawa mikono yangu katika kukosa kuwa na hatia,Na nitatembea kuzunguka mazabahu yako, Ee Yehova,  7  Ili nifanye sauti ya kutoa shukrani isikike+Na ili nitangaze kazi zako zote za ajabu.  8  Yehova, ninapenda nyumba kwenye unakaa,+Mahali kwenye utukufu wako unakaa.+  9  Usinifagilie mbali* pamoja na watenda-zambi+Wala kuondoa uzima wangu pamoja na watu wenye jeuri,* 10  Wenye mikono yao inajiingiza katika mwenendo wa haya,Na wenye mukono wao wa kuume umejaa rushwa.* 11  Lakini mimi, nitatembea katika uaminifu-mushikamanifu wangu. Uniokoe* na unionyeshe wema. 12  Muguu wangu umesimama mahali tambarare;+Katika kutaniko kubwa,* nitamusifu Yehova.+

Maelezo ya Chini

^ Ao “hisia zangu za ndani kabisa.” Tnn., “figo zangu.”
^ Tnn., “Sikae.”
^ Ao “sichangamane na wanafiki.”
^ Tnn., “kukaa.”
^ Ao “Usifagilie mbali nafsi yangu.”
^ Ao “watu wenye kumwanga damu.”
^ Ao “kata-midomo.”
^ Tnn., “Unikomboe.”
^ Tnn., “Katika mikusanyiko.”

Copyrights for this publication