Zaburi 132:1-18
Wimbo wa Safari za Kupanda.
132 Ee Yehova, umukumbuke Daudi
Na mateso yake yote;+
2 Namna alimuapia Yehova,
Namna alimuwekea naziri Mwenye Nguvu wa Yakobo:+
3 “Sitaingia katika hema yangu, katika nyumba yangu.+
Sitalala kwenye kiti changu, kwenye kitanda changu;
4 Sitaruhusu macho yangu yalale usingizi,
Wala kope zangu zisinzie
5 Mupaka wakati nitapata mahali kwa ajili ya Yehova,
Makao ya muzuri* kwa ajili ya Mwenye Nguvu wa Yakobo.”+
6 Angalia! Tulisikia habari hiyo katika Efrata;+
Tuliipata katika mashamba ya pori.+
7 Acha tuingie katika makao yake;*+
Acha tuiname kwenye kiti cha miguu yake.+
8 Simama, Ee Yehova, ili ukuje mahali pako pa kupumuzikia,+
Wewe na Sanduku la nguvu zako.+
9 Makuhani wako wavae haki,
Na washikamanifu wako wapige vigelegele vya shangwe.
10 Kwa ajili ya Daudi mutumishi wako,
Usimukatae* mutiwa-mafuta wako.+
11 Yehova amemuapia Daudi;
Hakika hatakosa kutimiza neno lake:
“Mumoja wa wazao wako,*
Nitamutia kwenye kiti chako cha ufalme.+
12 Kama wana wako wanashika agano langu
Na vikumbusho vyangu vyenye ninawafundisha,+
Wana wao pia
Watakaa kwenye kiti chako cha ufalme milele.”+
13 Kwa maana Yehova amechagua Sayuni;+
Ametamani ikuwe makao yake:+
14 “Hapa ndipo mahali pangu pa kupumuzikia milele;
Nitakaa hapa,+ kwa maana hiyo ndiyo tamaa yangu.
15 Nitapabariki sana kwa vyakula;
Nitashibisha maskini wake kwa mikate.+
16 Makuhani wake nitawavalisha wokovu,+
Na washikamanifu wake watapiga vigelegele vya shangwe.+
17 Kule nitafanya nguvu za Daudi zikomae.*
Nimetayarisha taa kwa ajili ya mutiwa-mafuta wangu.+
18 Nitavalisha maadui wake haya,
Lakini taji lenye kuwa kwenye kichwa chake litasitawi.”+
Maelezo ya Chini
^ Ao “Tabenakulo kubwa.”
^ Ao “tabenakulo yake kubwa.”
^ Tnn., “Usigeuzie nyuma uso wa.”
^ Tnn., “wa uzao wa tumbo lako la uzazi.”
^ Tnn., “pembe ya Daudi ikomae.”
