Zaburi 73:1-28

  • Mutu mwenye kumuogopa Mungu anarudiwa na ufahamu wa kiroho

    • “Miguu yangu ilikuwa karibu kutoka katika njia” (2)

    • “Nilisumbuka muchana wote” (14)

    • ‘Mupaka wakati niliingia katika patakatifu pa Mungu’ (17)

    • Waovu wako kwenye udongo wenye kutereza (18)

    • Kumukaribia Mungu ni jambo la muzuri (28)

Muziki wa Asafu.+ 73  Kwa kweli Mungu ni mwema kwa Israeli, kwa wale wenye kuwa safi katika moyo.+   Lakini mimi, miguu yangu ilikuwa karibu kutoka katika njia; Hatua zangu zilikuwa karibu kutereza.+   Kwa maana nilisikilia wivu wenye kiburi* Wakati nilikuwa ninaona amani ya waovu.+   Kwa maana hawana maumivu wakati wanakufa; Miili yao iko na afya ya muzuri.*+   Hawasumbuke kama wanadamu wengine,+ Wala hawateseke kama watu wengine.+   Kwa hiyo, kiburi ni mukufu wao wa shingo;+ Jeuri inawafunika kama nguo.   Mafanikio* yao yanafanya macho yao yavimbe; Wamezidi mawazo ya moyo.   Wanachekelea na kusema mambo maovu.+ Kwa kiburi, wanaogopesha ili kukandamiza.+   Wanaongea kama vile wako juu kama mbingu, Na ndimi zao zinatembea huku na huku zikijisifu katika dunia. 10  Kwa hiyo watu wake wanawaendea, Na wanakunywa kutokana na maji yao mengi. 11  Wanasema: “Mungu anajua namna gani?+ Je, Mwenye Kuwa Juu Zaidi iko* kabisa na ujuzi?” 12  Ndiyo, hiyo ndiyo hali ya waovu, wenye sikuzote wanafurahia maisha.+ Wanaendelea kuongeza mali zao.+ 13  Hakika nimesafisha moyo wangu bure Na kunawa mikono yangu katika kukosa kuwa na hatia.+ 14  Na nilisumbuka muchana wote;+ Nilipewa azabu kila asubui.+ 15  Lakini kama ningesema mambo hayo, Ningekuwa nimesaliti watu wako.* 16  Wakati nilijaribu kuelewa jambo hilo, Lilinisumbua 17  Mupaka wakati niliingia katika patakatifu pakubwa pa Mungu, Na nikatambua wakati wao wenye kuja. 18  Hakika unawatia kwenye udongo wenye kutereza.+ Unawafanya waanguke katika uharibifu wao.+ 19  Wanaharibiwa bila kutazamia kabisa!+ Wanamalizika kwa kushitukia kabisa wakati wanafikia mwisho wao mubaya sana! 20  Kama ndoto wakati wa kuamuka, Ee Yehova, Wakati utasimama, utatupilia mbali* sanamu yao. 21  Lakini moyo wangu ulikuwa muchungu,+ Na ndani kabisa* nilisikia maumivu makali. 22  Sikukuwa na akili na nilikosa uelewaji; Nilikuwa kama munyama mwenye hana akili mbele yako. 23  Lakini sasa niko pamoja na wewe sikuzote; Umeshika mukono wangu wa kuume.+ 24  Unaniongoza kupitia shauri lako,+ Na kisha utaniongoza kwenye utukufu.+ 25  Ni nani mwenye niko naye kule mbinguni? Na sitamani kitu chochote katika dunia isipokuwa wewe tu.+ 26  Mwili wangu na moyo wangu unaweza kuchoka, Lakini Mungu ni mwamba wa moyo wangu na fungu langu milele.+ 27  Kwa kweli, wale wenye kujitenga mbali na wewe wataangamia. Utaharibu* kila mutu mwenye anakuacha kwa sababu ya upotovu.*+ 28  Lakini mimi, kumukaribia Mungu ni jambo la muzuri kwangu.+ Nimemufanya Bwana Mwenye Mamlaka Makubwa Zaidi Yehova kuwa kimbilio langu, Ili nitangaze kazi zako zote.+

Maelezo ya Chini

Ao “wenye kujisifu.”
Ao “Tumbo lao limenenepa.”
Tnn., “Unono.”
Ao “eko.”
Tnn., “kizazi cha wana wako.”
Tnn., “utazarau.”
Tnn., “katika figo zangu.”
Tnn., “Utanyamazisha.”
Ao “kukosa uaminifu.”