Salmo 84:1-12
Parad direktor; diad Gittith.*Salmo na saray anak a lalaki nen Kora.+ Sakey a kansion.
84 Talagan makapasagyat* so alay abig a tabernakulom,+O Jehova na saray armada!
2 Pirpirawaten ko,*On, makapkapuy ak la ed pampipilalek koA makakar ed saray sular na templo nen Jehova.+
Say pusok tan say laman ko et manliliket a maong ed mabilay a Dios.
3 Anggan say siwit et makakalmo na ayaman ditanTan say mangalimpana et makakaromog na ubong to,A dia et aasikasoen to ray sibong toDiad asingger ed alay abig ya altar mo, O Jehova na saray armada,Say Arik tan say Dios ko!
4 Maliket iramay manaayam ed abung mo!+
Ag-ira ontutundan mangidayew ed sika.+ (Selah)
5 Maliket iramay totoo a say panlalapuan na biskeg da et sika,+A say pirawat na puso ra et saray dalan a mamaarap ed abung mo.
6 Sano ondadalan irad Lawak na Baca,*Gagawaen da itan a pasen na subosubol;Tan say masakbay ya uran et kakawesan to itan* na saray bendisyon.
7 Diad panakar da et lalo ran onkasil;+Kada sakey et oonlad arapan na Dios diad Sion.
8 O Jehova a Dios na saray armada, dengel mo pay pikakasik;Dengel ka, O Dios nen Jacob. (Selah)
9 Nengneng mo, O samper mi+ tan Dios mi,*Nengneng moy lupa na samay nilanaan mo.+
10 Ta say sakey agew ed saray sular na templom et magmaong ni nen say sanlibon agew ed arum a pasen!+Pinilik so manalagey ed entrada na puertay abung na Dios ko
Nen say manayam ed saray tolda na mauges.
11 Ta si Jehova a Dios et agew+ tan samper;+
Sikatoy mangiiter na pabor tan kagalangan.Si Jehova et agto isiblet so antokaman a maong a bengatlaEd saramay manaakar a walaay integridad.+
12 O Jehova na saray armada,Maliket so toon manmamatalek ed sika.+
