Salmo 49:1-20
Parad direktor. Salmo na saray anak a lalaki nen Kora.+ Sakey a kansion.
49 Dengel yo ’ya, amin yon totoo.Imano yo, amin yon manaayam ed mundo,*
2 Abeba man odino atagey so kipapasen yo,*Mayaman man odino mairap-bilay kayo.
3 Say sangik et mansalita na karunongan,Tan say pandadalepdep na pusok+ et mangipatnag na pakatalos.
4 Imanoen koy sakey a proverbio;Ipaliwawak so pabitlak legan a totogtogen so arpa.
5 Akin et ontakot ak diad panaon na gonigon,+Sano apaliberan ak na kaugsan* na saramay malabay a maneral ed siak?
6 Saramay manmamatalek ed kayamanan da+Tan mangilalastog ed dakdakel a kaykayarian da,+
7 Anggapon balot ed sikara so makadondon ed agi toOdino makapangiter ed Dios na panondon ed sikato,+
8 (Mabmabli so dondon parad bilay* daKanian agdan balot nabayaran itan);
9 Pian sikatoy manbilay komon ya andi-anggaan tan agto nanengneng so abot.*+
10 Nanenengneng to ya anggan saray marunong a totoo et ompapatey;Pati samay andiay kalakal tan kulang na pakatalos,+Tan ititilak dad arum so kayamanan da.+
11 Say pirawat na puso ra et mansiansiay kaabungan da ya anggad angga,Saray tolda ra ya anggad saray mantutumbokan a henerasyon.
Saray dalin da et inngaran dad inkasikara.
12 Balet say too, anggaman gagalangen, et agmansiansia;+Anggapoy pidumaan to ed saray ayep ya ompapatey.+
13 Oniay pansusumpalan na saramay andiay kalakal+Tan saramay mangaalig ed sikara, a naliliketan ed saray andi-kakanaan a salita ra. (Selah)
14 Singa ra karnero ya aturon onlad Lubok.*
Patey so magmaliw a pastol da;Say maptek so manuley ed sikara+ diad kabuasan.
Amin a pakabidbiran ed sikara et naandi;+Say Lubok*+ imbes a palasyo so magmaliw ya ayaman da.+
15 Balet say Dios et dondonen to ak* ed pakayari* na Lubok,*+Ta bembenan to ak. (Selah)
16 Agka natatakot sano onyaman so sakey a too,Sano lalon ondarakep so abung to,
17 Ta sano ompatey et anggapon balot so naawit to;+Agmilad sikato so karakpan to.+
18 Ta legay bilay to et ibabalikas toy panliket tod sarili to.*+
(Irarayew ka na totoo sano onaasenso ka.)+
19 Balet diad kaunoran et nakaiba to ray inmuunan atateng to.
Agda lan balot nanengneng so liwawa.
20 Say toon agmakatalos ed saya, anggaman gagalangen,+Et anggapoy pidumaan to ed saray ayep ya ompapatey.
Paimanod leksab
^ Odino “sistema na bengabengatla.”
^ Literal, “saray ananak a lalaki na katooan pati saray ananak a lalaki na too.”
^ Literal, “lingo.”
^ Odino “kamarerwa.”
^ Odino “lubok.”
^ Odino “so kamarerwak.”
^ Literal, “lima.”
^ Odino “kamarerwa to.”
