Salmo 88:1-18
Sakey a kansion. Salmo na saray anak a lalaki nen Kora.+ Parad direktor; diad estilo na Mahalath,* mansusublayan a kansionen. Maskil* nen Heman+ ya Ezrahita.
88 O Jehova, say Dios na kilalaban ko,+Diad agew et ontatawag ak ed sika,Tan diad labi et onaasingger ak ed arapan mo.+
2 Makasabi komon ed sika so pikakasik.+Ikiling mo pay layag mo* ed ikekerew koy tulong.+
3 Ta say kamarerwak* et napno lay gonigon,+Tan say bilay ko et wala lad tambib na Lubok.*+
4 Nibilang ak la ed saramay onlalasur ed abot;*+Nagmaliw ak a toon andiay pakayari,*+
5 Pinaulyan a kaiba na saray inaateyA singa saramay pinapatey a walad lubok,Ya agmo la nanononotanTan nisian la ed panangasikasom.*
6 Inyan mo ak ed sankaaraleman ya abot,Diad saray ambilunget a pasen, diad baleg a kaaralman.
7 Ondedetdet ed siak so sanok mo,+Tan tatabonan mo ak na angkakabaleg a daluyon mo. (Selah)
8 Pinaarawim ed siak iray kaulop ko;+Ginawam ak a kabkabusol da.
Akulong ak tan agak makapaway.
9 Kinmapuy lay matak lapud paniirap ko.+O Jehova, naynay ak ya ontatawag ed sika;+Iyuunat ko ray limak diad pampipikasik ed sika.
10 Manggawa ka kasi na saray makapakelaw a bengatla parad saray inaatey?
Makabangon kasi iray inaatey ya andiay pakayari pian idayew da ka?+ (Selah)
11 Kasin say matoor a panangarom et niyabawag diad lubok,Say katooran mo diad pasen na kadederal?*
12 Naamtaan kasi ed kabilungetan iray makapakelaw a gagawaen moOdino say inkatunong mo diad dalin na saramay alingwanan la?+
13 Balet siansia nin onkekerew ak na tulong ed sika, O Jehova,+Kinabuasan a makakasabid sika so pikakasik.+
14 Akin et ipupulisay mo ak,* O Jehova?+
Akin et iyaamot moy lupam ed siak?+
15 Manlapu lad inkaugaw koEt napapairap ak tan ngalngali ak la ompatey;+Anggapo lay pakaliknak lapud saray graben irap ya iyaabuloy mon nasagmak ko.
16 Ontatabon ed siak so mandarlang a sanok mo;+Dederalen ak na saray panagtaktakot mo.
17 Inagew-agew da ak a papaliberan a singa saray danum;Aatakien da ak manlapud amin a direksion.*
18 Pinaarawim ed siak iray kaarok tan kaulop ko;+Say kabilungetan so nagmaliw a kaulop ko.
Paimanod leksab
^ Odino “Yuko ka tan dengel ka.”
^ Odino “lubok.”
^ Odino “singa toon anggapoy biskeg to.”
^ Literal, “limam.”
^ Odino “diad Abaddon.”
^ Odino “so kamarerwak.”
^ Odino posiblin, “a bansa-bansag.”
