Salmo 46:1-11
Parad direktor. Kansion na saray anak a lalaki nen Kora.+ Unong ed estilon Alamoth.*
46 Say Dios so salimbengan tan biskeg tayo,+Mainomay a nakerewan na tulong diad panaoy gonigon.+
2 Kanian ag-itayo ontakot, anggan nauman so dalin,Anggan nageray iray palandey tan onlereg ed dalem na dayat,+
3 Anggan onungol tan omburabura iray danum to,+Anggan nayegyeg iray palandey lapud satan. (Selah)
4 Walay sakey ya ilog a saray agus to et mamapaliket ed syudad na Dios,+Say sankasantosan tan alay abig a tabernakulo na Sankatagyan.
5 Say Dios et walad syudad;+ ag-iya naderal.Tulongan iya na Dios kasabi palbangon.+
6 Manungol iray nasyon, nagba iray panarian;Inkasil toy boses to, tan atunaw so dalin.+
7 Si Jehova na saray armada et walad sikatayo;+Say Dios nen Jacob et sakey a maligen a salimbengan* tayo. (Selah)
8 Gali dia tan tasian yo ray kimey nen Jehova,No panon ton ginawa iray makapakelaw a bengatla diad dalin.
9 Papatundaen to ray guerra diad interon dalin.+
Puputeren to ray pana tan dederalen to ray gayang;Popoolan to ray kariton a parad guerra.*
10 “Suko ki la tan amtaen yo a siak so Dios.Nitandoro ak ed limog na saray nasyon;+Nitandoro ak diad dalin.”+
11 Si Jehova na saray armada et walad sikatayo;+Say Dios nen Jacob et sakey a maligen a salimbengan tayo.+ (Selah)
