Salmo 10:1-18
ל [Lamed]
10 O Jehova, akin et arawrawi ka?
Akin et onaamot ka sano nagogonigon kami?+
2 Lapud inkamapaatagey na mauges et uusilan to may andiay pakayari,+Balet sikato lanlamang so napatitan ed saray pakana to.+
3 Ta ilalastog na mauges iray makasarilin pilalek to*+Tan bebendisyonan to so maagum;*נ [Nun]
Agto rerespetoen si Jehova.
4 Say mauges a too et agmanuusisa lapud inkamapaatagey to;Say pinonot to et: “Anggapoy Dios.”+
5 Saray gagawaen to et naynay ya onaaligwas,+Balet agnarandan na pakatalos to iray panangukom mo;+Eelek-elekan toy amin ya onsusumpad sikato.
6 Ibabaga tod inkasikato: “Agak balot nagalaw;*Diad amin a henerasyonEt anggapon balot so nagawan mauges ed siak.”+
פ [Pe]
7 Say sangi to et napnoy panagsamba, katilaan, tan panamagyaw;+Say dila to et panlalapuay gulo tan bengatlan makapasakit.+
8 Diad asingger ed saray baryo et sikatoy manatambang;Manlapud panaamotan to et papateyen toy toon inosente.+
ע [Ayin]
Sikatoy manatalaran na pakaskasin biktimaen to.+
9 Sikatoy manaalagar diad pasen a panaamotan to a singa leon a walad ayaman to.*+
Sikatoy manaalagar pian erelen so sakey ya andiay pakayari.
Naeerel toy sakey ya andiay pakayari sano guguyoren toy iket to pian onsara.+
10 Samay biktima et namesmes tan nabaktar;Saray pakaskasi et napepelag ed saray lima to.
11 Ibabaga tod inkasikato: “Alingwanan la itan na Dios.+Inyarap tod biek so lupa to.Agton balot naiimano.”+
ק [Qoph]
12 Alagey ka, O Jehova.+ Itagey moy limam, O Dios.+
Agmo lilingwanan iray andiay pakayari.+
13 Akin a say mauges et agto rerespetoen so Dios?
Ibabaga tod inkasikato: “Anggapoy pibabali na Dios.”
ר [Resh]
14 Balet nanenengneng moy nagagawan gulo tan pakakagonigon.
Iimanoen mo iratan tan aasikasoen mo.+
Sikay aasinggeran na samay pakaskasin biktima;+Sikay ontutulong ed ugaw ya ulilad ama.*+
ש [Shin]
15 Puter moy taklay na mauges tan maruksan too,+Pian sano anapen moy kaugsan to,Agmo la naromog.
16 Si Jehova so Ari ya anggad angga.+
Saray nasyon et naandi la ed dalin.+
ת [Taw]
17 Balet dengelen moy kerew na saray mauyamo, O Jehova.+
Pabiskegen moy puso ra+ tan imanoen mo ra.+
18 Iter moy hustisya ed samay ulilad ama tan ed saramay napapairap,+Pian anggapo lay siopaman a too diad dalin a manaktakot ed sikara.+
