Salmo 100:1-5
Sakey a kansion parad pisasalamat.
100 Eyag kayod liket tan idayew yo si Jehova, O interon dalin.+
2 Maliket yon lingkoran si Jehova.+
Dago kayod arapan to tan eyag kayod liket.
3 Amtaen* yo a si Jehova so Dios.+
Sikato so nanggawad sikatayo, tan kayarian to tayo.*+
Sikatayo ray totoo to tan karnero a walad panagpastolan to.+
4 Loob kayo ed saray puerta na santuaryo to tan pisalamatan yo,+Diad saray sular na templo to tan idayew yo.+
Misalamat kayod sikato; idayew yoy ngaran to.+
5 Ta maomaong si Jehova;+Say matoor a panangaro to et mansiansia ya anggad angga,Tan say katooran to diad amin a henerasyon.+
