Salmo 11:1-7
Parad direktor. Salmo nen David.
11 Si Jehova so pansasalimbengan ko.+
Kanian akin et ibabaga yod siak:*
“Tikyab kan singa manok diad palandey yo!
2 Nengneng mo no panon a pipinaten na mauges so bekang da;Ipupuntirya day pana ra,Pian manlapud kabilungetan et ikena ra ed saramay maptek-impanpuso.
3 Sano nageba iray pundasyon,*Antoy nagawaan na matunong?”
4 Si Jehova et walad masanton templo to.+
Say trono nen Jehova et walad tawen.+Saray mata to et onnenengneng, on, uusisaen na saray akabantay a mata to iray ananak na totoo.+
5 Uusisaen nen Jehova so matunong tan say mauges;+Kabusol to* so siopaman a mangaarod inkaruksa.+
6 Saray mauges et uranen to na saray patit;*Apoy tan asupre+ tan makasinit a dagem so magmaliw a karga na kopa ra.*
7 Ta si Jehova et matunong;+ aaroen to ray gawan matunong.+
Saray maptek a totoo so makanengneng ed lupa to.*+
Paimanod leksab
^ Odino “kamarerwak.”
^ Odino “iray pundasyon na hustisya.”
^ Odino “na kamarerwa to.”
^ Odino posiblin, “mandarlang a ngalab.”
^ Say kopa et mabetbet a mangisisimbolo ed sanok odino panangibales na Dios.
^ Odino “makagamor na pabor to.”
