Salmo 55:1-23

  • Pikakasi sano trinaidor na kaaro

    • Kinantiawan na maapit a kaaro (12-14)

    • “Ipasakbat mod si Jehova so ambelat ya awit mo” (22)

Parad direktor; bansagan na nandeles iran instrumento. Maskil.*Salmo nen David. 55  O Dios, dengel mo pay pikakasik,+Tan agmo komon ibabaliwalay ikekerew koy panangasi.*+   Imanom ak pa tan ebatan mo ak.+ Ag-ondedeen so nonot ko ed pampapagak,+Tan nanaaburido ak   Lapud samay ibabaga na kalaban koTan say panedesdes na mauges. Ta bubuntonan da ak na problema,Tan lapud sanok da et eem-eman day pambusol dad siak.+   Ansakisakit so pagew ko,+Tan nadadaeg ak na takot ed ipapatey.+   Asabian ak na takot tan panggiwgiw,Tan pinasyay pankebbiew ko.   Naynay kon ibabaga: “No wala labat komoy payak ko a singa malapati! Ontikyab ak tan manayam ak a maligen.   Arawrawi tikyaban ko.+ Mansiansia ak ed kalawakan.+ (Selah)   Apuraen koy onlad sakey ya amotanYa arawi ed manasibengbeng a dagem, arawi ed bagyo.”   Wetwet mo ra, O Jehova, tan deral mo ray plano ra,*+Ta anengneng koy inkaruksa tan panlalaban ed syudad. 10  Agew-labi iran manaakar-akar diad tapew na saray padir to;Ditan et walay pansasakitan tan panggugulo.+ 11  Ditan et walay kadederal;Diad plaza to et agbalot naaandi so panagpairap tan panagpalikdo.+ 12  Ta aliwan sakey a kabusol so mangakantiaw ed siak;+Ta no sikato komon, nitepel ko itan. Aliwan sakey a kalaban so sinmumpad siak;Ta no sikato komon, sarag kon iyamotan. 13  Balet sikan mismo, a sakey a toon kaparak,+Say mismon kaulop ko a kabkabat ko.+ 14  Panliliketan ta nensaman so maong ya ulopan ta bilang sankaaro;Oonla tad abung na Dios a kaibay dakel a totoo. 15  Komon ta onsabid sikara so kadederal!+ Komon ta onlasur iran mabilay diad Lubok;*Ta say kaugsan et manaayam ed limog da tan walad sikara. 16  Siak balet, ontawag ak ed si Jehova a Dios,Tan iliktar to ak.+ 17  Diad labi, kabuasan, tan ugto et nagogonigon ak tan manngesnges ak,*+Tan narerengel toy boses ko.+ 18  Iliktar* to ak tan ikdan to ak* na kareenan manlapud saramay onlalaban ed siak,Ta dakdakel so onaataki ed siak.+ 19  Say Dios ya akayurong ed trono manlapu la nensaman+Et narengel to itan tan balesen to ra.+ (Selah)Saramay ag-ontatakot ed DiosEt agda labay so manguman.+ 20  Inataki to* ray kakaaro to;+Agto tinoor so impisipanan to.+ 21  Malamuyot nen say mantikilya iray salita to,+Balet say walad puso to et pikokolkol. Marlas nen say larak iray salita to,Balet singa iratan makdem ya espada.+ 22  Ipasakbat mod si Jehova so ambelat ya awit mo,+Tan tulongan to ka.+Agton balot paulyan a natumba* so matunong.+ 23  Balet iyakar mod sankaaraleman ya abot iray mauges, O Dios.+ Saramay managpatey tan managpalikdo et napatikeyan so bilay da.+ Balet siak, manmatalek ak ed sika.

Paimanod leksab

Nengnengen so Glosaryo.
Odino “Tan agka komon onaamot sano onkekerew ak na tulong.”
Literal, “pankakapigam so dila ra.”
Odino “Sheol,” salanti, say lubok na katooan. Nengnengen so Glosaryo.
Odino “maingal ak.”
Literal, “Dondonen.”
Odino “so kamarerwak.”
Salanti, samay datin kaaro ya asalambit ed bersikulo 13 tan 14.
Odino “natugingging; natentenyeg.”