Salmo 63:1-11
Kansion nen David, sanen walad kalawakan na Juda.+
63 O Dios, sika so Dios ko, naynay ta kan aanapen.+
Singa ak napgaan* ed sika.+
Makapkapuy ak* la ed pampipirawat kod sikaDiad amagaan tan naklangan a dalin, ya anggapoy danum.+
2 Kanian ninengneng ta ka diad masanton pasen mo;Naimatonan koy biskeg mo tan say gloriam.+
3 Lapud magmaong nen say bilay so matoor a panangarom,+Igloria ta ka ed panamegley na bibil ko.+
4 Kanian idayew ta ka legay bilay ko;
Ontawag ak ed ngaran mo, ya itagey ko ray limak.
5 Apenek ak* ed sankaabigan tan sankamaongan a parte,*Kanian idayew ta ka diad maliket a boses.+
6 Nanononotan ta ka legan a wala ak ed dukolan ko;Dadalepdepen ta ka legan na saray panagbantay ed labi.+
7 Ta sikay ontutulong ed siak,+Tan diad silong na saray payak mo et oneyag ak ed liket.+
8 Ompepeket ak* ed sika;Say kawanan a limam et malet ya akabemben ed siak.+
9 Balet saramay malabay a mamatey ed siak*Et napelag ed saray kaaralman na dalin.
10 Ompatey ira ed tarem na espada;Magmaliw iran kakanen na saray ason jakal.*
11 Balet say ari et manliket ed Dios.
Balang sakey a mansasamba diad ngaran To et manggayaga,*Ta saramay mansasalitay katilaan et napareen.
