Salmo 75:1-10
-
Patas a mangukom so Dios
-
Say mauges et oninum ed kopa nen Jehova (8)
-
Parad direktor. Intono ed “Agka Manederal.” Salmo nen Asaf.+Sakey a kansion.
75 Misalamat kamid sika, O Dios, misalamat kamid sika;Walad sikami so ngaran mo,+Tan saray totoo et iyaabawag da ray makapakelaw a gawam.
2 Ibabagam: “Sano mangigana ak na panaon,Patas so pangukom ko.
3 Sanen ginmiwgiw* so dalin tan amin a manaayam ditan,Pinansiansiak a malet iray lusek to.” (Selah)
4 Ibabagak ed samay malastog, “Agka manlalastog,”
Tan diad samay mauges, “Agmo ipapaatagey so inkabiskeg* mo.
5 Agmo itatandoro so inkabiskeg* moTan agka mamaong a mansalita.
6 Ta say panangiyatageyEt agmanlalapud bukig odino sagur odino abalaten.
7 Ta say Dios so Ukom.+
Walay toon iyaabeba to tan wala met so iyaatagey to.+
8 Ta walay kopa ed lima nen Jehova;+Say alak et manburabura tan tinimplan maong.
Seguradon ikalbo to itan,Tan amin a mauges ed dalin et inumen da itan ya anggad gaer.”+
9 Balet siak, iyabawag ko itan ya anggad angga;Kansionan ko na panangidayew so* Dios nen Jacob.
10 Ta ibabaga to: “Ekalen kon amin so biskeg* na mauges,Balet say biskeg* na matunong et nipaatagey.”
