Salmo 135:1-21
135 Idayew yoy Jah!*
Idayew yoy ngaran nen Jehova;Mangiyapay kayoy panangidayew, O sikayo ran lingkor nen Jehova,+
2 Sikayo ran manalalagey diad abung nen Jehova,Diad saray sular na abung na Dios tayo.+
3 Idayew yoy Jah, ta si Jehova et maomaong.+
Kansionan yo na panangidayew so* ngaran to, ta makapaliket itan.
4 Ta pinili nen Jah si Jacob parad inkasikato,Say Israel bilang espisyal a kayarian* to.+
5 Ta amtak a si Jehova et atagtagey;Say Katawan tayo et atagtagey nen say arum ni ran dirios.+
6 Gagawaen nen Jehova so amin a panliliketan ton gawaen+Diad tawen tan dalin, diad kadayatan tan amin a kaaralman.
7 Papaatageyen to ray lurem* manlapud saray sampot na dalin;Sikatoy mamapawala na kirmat parad* uran;Ipapaway toy dagem manlapud saray pasen a panagsimpenan to.+
8 Pinapatey to ray panguloan ed Ehipto,Too man odino ayep.+
9 Sikatoy angipanengneng na saray tanda tan milagro diad Ehipto,+Sumpad Faraon tan amin a lingkor to.+
10 Dinederal toy amayamay a nasyon+Tan pinapatey to ray makapanyarin arari+
11 —Si Sihon ya ari na saray Amoreo,+Si Og ya ari na Basan,+Tan dinederal toy amin a panarian ed Canaan.
12 Inter toy dalin da bilang tawir,Sakey a tawir na Israel a totoo to.+
13 O Jehova, say ngaran mo et mansiansia ya anggad angga.
O Jehova, say inkabantog* mo et mansiansia diad amin a henerasyon.+
14 Ta si Jehova et idepensa toy* totoo to,+Tan nakasian to ray* lingkor to.+
15 Saray imahen na dirios* na saray nasyon et gawad pilak tan balitok,A ginawa na saray lima na too.+
16 Walay sangi ra, balet ag-ira makasalita;+Walay mata ra, balet ag-ira makanengneng;
17 Walay layag da, balet ag-ira makarengel.
Anggapoy linawan ompapaway ed sangi ra.+
18 Saray totoon manggagawad sikara et magmaliw a singa sikara,+Pati say amin a manmamatalek ed sikara.+
19 O sankaabungan nen Israel, idayew yoy Jehova.
O sankaabungan nen Aaron, idayew yoy Jehova.
20 O sankaabungan nen Levi, idayew yoy Jehova.+
Sikayo ran ontatakot ed si Jehova, idayew yoy Jehova.
21 Manlapud Sion et narayew komon si Jehova,+Samay manaayam ed Jerusalem.+
Idayew yoy Jah!+
Paimanod leksab
^ Odino “Hallelujah!” Say “Jah” et pinatikey a ngaran a Jehova.
^ Odino “Mantogtog tan mangansion kayo parad.”
^ Odino “pinabpablin kayarian.”
^ Odino posiblin, “manggagawa na saray aagusan parad.”
^ Odino “sengaw.”
^ Odino “ngaran.” Literal, “pakanodnonotan.”
^ Odino “idepensa toy kaso na.”
^ Odino “makaliknay pagbabawi parad saray.”
^ Odino “Saray idolo.”
