Salmo 97:1-12
97 Si Jehova et nagmaliw ya Ari!+
Manggayaga komon so dalin.+
Manliket komon so dakel ya isla.+
2 Saray lurem tan makapal a bilunget et akapaliber ed sikato;+Say inkatunong tan hustisya so pundasyon na trono to.+
3 Walay apoy ya ompapaway diad arapan to+Tan uupoten na satan iray akapaliber a kalaban to.+
4 Saray kirmat to et liliwawaan day dalin;Nanenengneng iya na dalin tan onggigiwgiw.+
5 Saray palandey et natutunaw a singa sebo diad arapan nen Jehova,+Diad arapan na Katawan na interon dalin.
6 Ipapaamta na katawenan so inkatunong to,Tan nanenengneng na amin a totoo so gloria to.+
7 Niiyan komon ed kababaingan so amin a manlilingkor ed inukit ya imahen,+Saramay ipapasirayew day andi-kakanaan a dirios da.+
Amin yon dirios, dakmomo* kayod sikato.+
8 Narerengel na Sion tan sikatoy manliliket;+Saray baley* na Juda et magayagaLapud saray panangukom mo, O Jehova.+
9 Ta sika, O Jehova, so Sankatagyan ed interon dalin;Nitandoro kan maong nen say arum ni ran dirios.+
10 O sikayo ran mangaaro ed si Jehova, busol yoy kaugsan.+
Sasalimbengan toy bilay* na saray matoor ed sikato;+Ililiktar to ra ed lima* na mauges.+
11 Sinmindag so liwawa ed matunong+Tan say liket ed saramay maptek-impanpuso.
12 Manliket kayo lapud si Jehova, sikayo ran matunong,Tan misalamat kayo ed masanton ngaran* to.
