Salmo 98:1-9
-
Si Jehova, say Manangiliktar tan matunong ya Ukom
-
Impaamta so panangiliktar nen Jehova (2, 3)
-
Sakey a kansion.
98 Kansionan yo si Jehova na sakey a balon kansion,+Ta sikatoy nanggawa na makapakelkelaw iran bengatla.+
Say kawanan a lima to, say masanton taklay to, so angiliktar.*+
2 Impaamta nen Jehova so panangiliktar to;+Impanengneng tod saray nasyon so inkatunong to.+
3 Agto nilingwanan so matoor a panangaro to tan say katooran to ed sankaabungan na Israel.+
Anengneng na interon dalin so panangiliktar na Dios tayo.*+
4 Eyag kayod liket tan idayew yo si Jehova, O interon dalin.
Manggayaga kayo tan eyag kayod liket tan kansionan yo na panangidayew.*+
5 Kansionan yo na panangidayew* si Jehova diad panamegley na arpa,Diad panamegley na arpa tan balibalin kansion.
6 Diad panamegley na saray trumpeta tan tanol na tambuyog+Et eyag kayod liket diad arapan na Ari, si Jehova.
7 Onungol komon so dayat tan say amin a wadtan,Say dalin tan saramay manaayam ditan.
8 Ontipak komon iray ilog;Manbabansag komon ya oneyag ed liket iray palandey+
9 Diad arapan nen Jehova, ta sikatoy onsabi* pian mangukom ed dalin.
Ukomen toy mundo diad inkatunong+Tan saray totoo diad patas a paraan.+
