Salmo 122:1-9
Kansion na Saramay Ontatatdang. Salmo nen David.
122 Aliketan ak sanen imbaga rad siak:
“Onla tayo ed abung nen Jehova.”+
2 Tan natan, saray sali mi et manalalageyDiad loob na saray puertam, O Jerusalem.+
3 Say Jerusalem et impaalagey bilang syudad,A tinugyop bilang saksakey.+
4 Saray tribu et tinmatdang ditan,Saray tribu nen Jah,*Unong ed panonot ed Israel,Pian misalamat ed ngaran nen Jehova.+
5 Ta saray trono parad panangukom et inletneg ditan,+Saray trono na sankaabungan nen David.+
6 Ipikasi yo a niwalay kareenan ed Jerusalem.+
Saramay mangaaro ed sika, O syudad, et magmaliw a maligen.
7 Say kareenan et mansiansia komon ed loob na saray pandepensan padir* mo,Say kaligenan ed loob na saray malet iran torim.
8 Nisengeg ed saray agagik tan saray kaulop ko et ibagak:
“Niwala komon ed sika so kareenan.”
9 Nisengeg ed abung nen Jehova a Dios tayo+Et anapen ko so pankaabigan mo.
