Salmo 150:1-6
150 Idayew yoy Jah!*+
Idayew yoy Dios diad masanton pasen to.+
Idayew yo diad liwang a mamapaneknek ed* biskeg to.+
2 Idayew yo lapud saray makapanyarin gawa to.+
Idayew yo lapud abalbaleg a pakapanyari to.+
3 Idayew yo diad pamaknol yoy tambuyog.+
Idayew yo diad panamegley na nandeles ya instrumento tan arpa.+
4 Idayew yo diad panamegley na tamburin+ tan sayaw.
Idayew yo diad panamegley na nandeles iran instrumento+ tan plauta.+
5 Idayew yo diad panamegley na saray mantaknol a piangpiang.
Idayew yo diad panamegley na saray manlaldis a piangpiang.+
6 Amin a bengatlan onlilinawa et idayew da komon si Jah.
Idayew yoy Jah!*+
