Memoryal na Impatey nen Jesus
Huebes, Abril 2, 2026
Maminsan ed kada taon, nonodnonoten na saray Tasi nen Jehova so impatey nen Jesu-Kristo pian naunor da imay ingganggan to. Kuan to: “Itultuloy yon gawaen iya bilang pannodnonot ed siak.”—Lucas 22:19.
Labay mi kayon imbitaan tan say pamilya yo ed sayan okasyon.
Saray Mabetbet ya Itetepet
Siopay nayarin onla?
Nayarin onla so amin. Sarag yon awiten so pamilya yo tan itagar yo met iray kakaaro yo.
Panon kabayag so programa?
Manga sakey oras.
Iner itan nagawa?
Kontaken iray Tasi nen Jehova parad saray detalye ed lugar yo.
Kasin walay entrance fee?
Anggapo.
Kasin walay nagawan panagkolekta?
Anggapo. Agkamin balot mangokolekta na kuarta diad saray pantitipon mi.—Mateo 10:8.
Antoy isulong?
Anggapoy espisipikon klase na kawes ya kaukolan ya isulong ed sayan okasyon, pero pansasagpotan na saray Tasi nen Jehova so mansulong na kawes ya mangipapanengneng na respeto parad sayan sagradon okasyon.
Antoy nagawa ed Memoryal?
Diad gapo tan diad sampot na pantitipon, mangansion iray onatendi, insan walay sakey ya ministro na saray Tasi nen Jehova ya mangidaulo na pikakasi. Kaibad programa so paliwawa nipaakar ed no akin ya importante so impatey nen Jesus tan no panon itayon minabang ed ginawa na Dios tan na Kristo parad sikatayo.
Parad kaaruman ya detalye, nengnengen so artikulon “Akin et Midumaan ed Arum a Relihyon so Panseselebra na Saray Tasi nen Jehova ed Pangdem na Katawan?”
Kapigan iray onsublay ya Memoryal?
2026: Huebes, Abril 2
2027: Lunes, Marso 22
Ompan Nagustoan Mo Met
MEMORYAL
Nodnonoten so Impatey nen Jesus
Labay mi kan imbitaan ya onatendi ed sayan importantin labi. Naaralan mo dia no panon kan nabendisyonan ed bilay tan impatey nen Jesus.
ESSENTIAL BIBLE TEACHINGS
Akin ya Inatey si Jesus?
Ibabaga na Biblia ya balbaleg so agawaan na impatey nen Jesus. Wala kasi gagala na impatey to?
ARUM NIN TOPIC
Natulongan Ka na Impansakripisyo nen Jesus
Antoy duaran imbangat nen Jesus ya gawaen tayo pian nagunggonaan tayo ed impatey to?
NIPAAKAR ED SIKAMI
Onatendi ed Aral
Amtaen no anto ray nagagawad aral mi. Mananap na pantitipon o aral ya asingger ed sikayo.