Salmo 116:1-19
116 Inad-arok si JehovaTa dedengelen to* so boses ko, saray ikekerew koy tulong.+
2 Ta ikikiling tod siak so layag to,*+Tan ontawag ak ed sikato legan a mabilay ak.*
3 Abariberan ak na saray lubir na ipapatey;Say Lubok et akabemben a malet ed siak.*+
Pinasyay impakagonigon tan impanermen ko.+
4 Ingen ta tinmawag ak ed ngaran nen Jehova:+
“O Jehova, iliktar mo ak!”*
5 Si Jehova et maabagey tan matunong;+Say Dios tayo et mapangasi.+
6 Babantayan nen Jehova iray andiay kakabatan.+
Nipaabeba ak, tan inliktar to ak.
7 Makapanpainawa lamet komon so kamarerwak,*Ta maabig so impideneng nen Jehova ed siak.
8 Inliktar mo ak* ed ipapatey,Say matak ed panakis, tan say salik ed pakapatir.+
9 Manakar ak ed arapan nen Jehova diad dalin na saray mabilay.
10 Walay pananisiak, ta nansalita ak;+Pinasyay impamairap ed siak.
11 Tan ataktakot ak tan inkuan ko:
“Amin a too et matila.”+
12 Antoy ibales kod si JehovaEd amin a maabig a ginawa to parad siak?
13 Oninum ak ed kopa na kililiktar,*Tan ontawag ak ed ngaran nen Jehova.
14 Tooren ko ray sinambaan kod si JehovaDiad arap na amin a totoo to.+
15 Mabmabli ed pakanengneng nen JehovaSo ipatey na saray matoor ed sikato.+
16 Mikakasi ak ed sika, O Jehova,Ta lingkor mo ak.
Lingkor mo ak, say anak na biin aripen mo.
Imbulos mo ak ed saray akabalor ed siak.+
17 Mangiyapay ak ed sika na bagat na pisasalamat;+Ontawag ak ed ngaran nen Jehova.
18 Tooren ko ray sinambaan kod si Jehova+Diad arap na amin a totoo to,+
19 Diad saray sular na abung nen Jehova,+Diad pegley mo, O Jerusalem.
Idayew yoy Jah!*+
Paimanod leksab
^ Odino posiblin, “Mangaaro ak ta dedengelen nen Jehova.”
^ Odino “onyuyuko pian dengelen to ak.”
^ Literal, “diad saray agew ko.”
^ Literal, “Aromog ak na saray pakakagonigonan na Sheol.”
^ Odino “so kamarerwak.”
^ Odino “so kamarerwak.”
^ Odino “baleg a kililiktar.”
^ Odino “Hallelujah!” Say “Jah” et pinatikey a ngaran a Jehova.
