Salmo 148:1-14
148 Idayew yoy Jah!*
Idayew yoy Jehova, sikayo ran walad katawenan;+Idayew yo, sikayo ran walad tagey.
2 Idayew yo, amin yon anghel to.+
Idayew yo, amin yon armada to.+
3 Idayew yo, O agew tan bulan.
Idayew yo, amin yon maliwliwawan bibitewen.+
4 Idayew yo, O sankatageyan a katawenan*Tan sikayo ran danum ed katawenan.
5 Idayew da komon so ngaran nen Jehova,Ta sikatoy angiganggan, tan apalsa ira.+
6 Pansiasiansiaen to ran akaletneg ya anggad angga;+Sikatoy angiter na ganggan ya agnapaso.+
7 Idayew yoy Jehova, sikayo ran wadiad dalin,Sikayo ran angkakabaleg a pinalsa ed dayat tan amin yon araralem a danum,
8 Sikayo ran kirmat tan uran a kristal, niebe tan makapal a lurem,Sikan maksil a dagem, a manusumpal ed salita to,+
9 Sikayo ran palandey tan amin yon pukdol,+Sikayo ran manbubungan kakiewan tan amin yon sedro,+
10 Sikayo ran atap ya ayayep+ tan amin yon kokomponien ya ayayep,Sikayo ran onkukurong a bengatla tan kamanokan,
11 Sikayo ran arari ed dalin tan amin yon nasyon,Sikayo ran prinsipe tan amin yon ukom ed dalin,+
12 Sikayo ran kalangweran a lalaki tan kalangweran a bibii,*Sikayo ran mamasiken tan ugugaw.*
13 Idayew da komon so ngaran nen Jehova,Ta anggan ngaran to labat et agla naabot ed kaatagey.+
Say katagyan to et palumbasan toy dalin tan tawen.+
14 Ipaatagey toy inkabiskeg* na totoo to,Pian narayew so amin a matoor ed sikato,Saray ananak na Israel, saray totoon asingger ed sikato.Idayew yoy Jah!*
