Salmo 56:1-13
Parad direktor; diad “Say Mareen a Malapati a Walad Arawi.” Salmo nen David. Miktam.* Sanen sikatoy inerel na saray Filisteo diad Gat.+
56 Kasian mo ak, O Dios, ta aatakien ak na too.
Inagew-agew da ak a lalabanan tan papairapen.
2 Inagew-agew ak ya aatakien na saray kalaban ko;Dakel iray malaslastog a milalaban ed siak.
3 Sano natatakot ak,+ manmatalek ak ed sika.+
4 Say Dios—ya irarayew koy salita to—Say Dios so panmamatalekan ko; agak antakot.
Antoy nagawaan na too* ed siak?+
5 Inagew-agew da ak a sasakitan;Puro pankaugsan ko so nononoten da.+
6 Onaamot ira pian atakien ak;Babantayan day kada kupbang ko,+A manatalaran ira pian paandien da so bilay ko.*+
7 Ipulisay mo pa ra lapud kaugsan da.
Dusam pa ray nasyon, O Dios, lapud sanok mo.+
8 Susubaybayan mo so panaamot-amot ko.+
Tipon mo pa ray luak ed katat a pananginan mo.+
Agta akasulat iratan ed librom?+
9 Onatras iray kabusol ko sano onkerew ak na tulong ed sika.+
Matalek ak ed saya: say Dios et walad dapag ko.+
10 Say Dios—ya irarayew koy salita to—Si Jehova—ya irarayew koy salita to—
11 Say Dios so panmamatalekan ko; agak antakot.+
Antoy nagawaan na too ed siak?+
12 Nepeg kon sumpalen iray sipan kod sika, O Dios;+Mangiyapay ak ed sika na saray balikas na pisasalamat.+
13 Ta inliktar mo ak* ed ipapatey,+Tan agmo pinaulyan a natiror so salik,+Pian diad arapan na Dios et makapanakar ak a nasisinagay liwawa na bilay.+
