Salmo 78:1-72
-
Say panangasikaso na Dios tan say kaandiay pananisia na Israel
Maskil.* Salmo nen Asaf.+
78 Sikayo ran totook, dengel kayo ed ganggan* ko;Ikiling yoy layag yo ed saray ibabalikas na sangik.
2 Biswaten koy sangik diad panamegley na proverbio.
Mangibaga ak na dagdaan la ran pabitla.+
3 Saramay bengatlan nadngel tan naamtaan tayo,Ya insalaysay ed sikatayo na saray kaamaan tayo,+
4 Et agtayo iyamot ed saray kailalakan da;Isalaysay tayo ed onsabin henerasyon+Iray makapadinayew a gagawaen nen Jehova tan say inkabiskeg to,+Saray makapakelaw a bengatlan ginawa to.+
5 Sikatoy angiter na panonot ed JacobTan angiletneg na ganggan ed Israel;Ingganggan tod saray inmuunan atateng tayoYa ipaamta da irayan bengatla ed saray ananak da,+
6 Pian naamtaan na onsublay a henerasyon,Saramay magmaliw ya ananak da.+Insan isalaysay da met iraya ed saray ananak da.+
7 Diad ontan et manmatalek ira ed Dios.
Agda lingwanan iray gagawaen na Dios,+Noagta unoren da ray ganggan to.+
8 Tan ag-ira magmaliw a singa saray inmuunan atateng da,Sakey a benger tan rebelyoson henerasyon,+Sakey a henerasyon a manguman-uman* so puso ra+Tan aliwan matoor ed Dios so espiritu ra.
9 Saray Efraimita et wala ray armas dan pana,Balet inmatras ira diad agew na guerra.
10 Agda sinumpal so sipanan na Dios+Tan agda inunor so ganggan to.+
11 Nilingwanan da met imay ginawa to,+Saray makapakelaw a gawa to ya impanengneng tod sikara.+
12 Diad imaton na inmuunan atateng da et sikatoy nanggawa na makapakelaw iran bengatla+Diad dalin na Ehipto, diad rehyon na Zoan.+
13 Binelsay toy dayat pian makadalan ira,Tan saray danum et ginawa ton singa sakey a dam.*+
14 No agew et itotonton to ra diad panamegley na luremTan no labi et diad panamegley na liwawa na apoy.+
15 Pinaletak to ray bato ed kalawakan,Pinainum to ra anggad napnek ira, a singa ra inminum ed aralem a danum.+
16 Sikatoy amapaway na subol ed baleg a batoTan amaagus na danum a singa saray ilog.+
17 Balet nantultuloy iran nankasalanan ed SankatagyanDiad impanrebelde rad sikato sanen wala rad desierto;+
18 Sinubok day Dios diad puso ra+Diad inkerew da na naakan a pipirawaten da.*
19 Kanian nansalita ra sumpad Dios,A kuan da: “Sarag kasi na Dios so mangitaryay naakan diad kalawakan?”+
20 Pinekpek toy baleg a batoKanian saray danum et inmagus tan linmeppua.+
Inkuan da ni: “Sarag to met kasi mangiter ed sikatayo na tinapay,Odino sarag to kasi mangitarya na karne ed totoo to?”+
21 Sanen arengel ira nen Jehova, sikatoy nampasnok;+Dinmalang so apoy+ ed Jacob,Tan pinasyay insanok to ed Israel+
22 Lapud ag-ira angipatnag na pananisia ed Dios;+Ag-ira nanmatalek a sarag to ran iliktar.
23 Kanian ingganggan to so malurem a tawen,Tan nilukasan to ray puerta na tawen.
24 Sikatoy naynay a manpapauran na mana a kanen da;Inikdan to ray naakan a nanlapud tawen.+
25 Saray totoo et angan na tinapay na saray makapanyari;*+Pinakan to ra anggad naksel ira.+
26 Diad tawen et sikatoy nampasiplog na dagem a manlalapud bukigTan dagem a manlalapud abalaten diad panamegley na pakayari to.+
27 Tan sikatoy nampauran na karne ed sikara a singa karakel na dabok,Saray manok a singa saray buer ed dayat.
28 Pinadapo to iratan diad pegley na kampo to,Diad kaliberliber na saray tolda to.
29 Et angan ira tan nansawa-sawa ra;Inter to so pinirawat da.+
30 Balet antis iran napenepenek ed pipilaleken da,Legan a wala nid sangi ra iray kakanen da,
31 Dinmalang so sanok na Dios ed sikara.+
Pinapatey to ray sankabiskegan a lalaki ed limog da;+Intutumba to ray kalangweran a lalaki na Israel.
32 Anggaman ontan, siansia nin nankasalanan ira+Tan ag-ira anisia ed makapakelaw iran gawa to.+
33 Kanian impangangga to ray agew da a singano labat ingas,+Tan saray taon da diad panamegley na saray makapabiglan inkagawa.
34 Balet sano papateyen to la ra, diman met ira ontutupleg ed sikato;+Ompapawil ira tan aanapen day Dios,
35 A nanononotan da a say Dios so Bato ra+Tan say Sankatagyan a Dios so Mananondon* da.+
36 Balet sikatoy sinali ran palikdoen diad panamegley na sangi raTan tinilaan da diad panamegley na dila ra.
37 Say puso ra et aliwan matoor ed sikato;+Tan agda sinumpal so sipanan to.+
38 Balet sikatoy mapangasi;+Peperdonaen* toy lingo ra tan agto ra iiyan ed kadederal.+Mabetbet ton popokpokan so sanok to+Imbes ya ipaway so amin a pasnok to.
39 Ta ninonot to a totoo ra labat,+Singa dagem ya onsisiplog tan agla ompapawil.*
40 Aminpiga iran nanrebelde ed sikato diad kalawakan+Tan sinakitan day liknaan to diad desierto!+
41 Inulit-ulit dan sinubok so Dios,+Tan pinaermen* day Masanton Dios na Israel.
42 Nilingwanan day pakapanyari* to,Samay agew ya inliktar* to ra ed kalaban,+
43 Samay impangipanengneng to na saray tanda to diad Ehipto+Tan saray milagro to diad rehyon na Zoan,
44 Tan no panon ton pinagmaliw a dala iray kanal na Nilo+Pian ag-ira makainum ed mismon danum da.
45 Imbaki to ray dakdakel a mangetket ya apangat pian mangupot ed sikara+Tan saray patang pian maneral ed sikara.+
46 Inter to ray tanem da ed masisiban duron,Say bungay sagpot da ed agaylay karakel a duron.+
47 Dinederal to ray kaubasan da diad panamegley na uran a kristal+Tan saray kiew da a sikomoro diad panamegley na saray kristal.
48 Pinapatey to ray ayayep a pankikimey da diad panamegley na uran a kristal+Tan saray ayayep a kokomponien da diad panamegley na kirmat.*
49 Indapo tod sikara so mandarlang a sanok to,Say pasnok, panggula, tan gonigon,Ya imbaki to ray grupo na saray anghel pian maneral.
50 Agto pinokpokan so sanok to.
Agto ra kinawanan* ya ompatey;Tan inyawat to ra* ed salot.
51 Diad kaunoran et pinapatey toy amin a panguloan ed Ehipto,+Say gapoan na pakayari ran manilalak diad saray tolda nen Ham.
52 Insan impaway to ray totoo to a singa saray karnero+Tan inwanwan to ra diad kalawakan a singa sakey a pulok.
53 Intonton to ra ed liktar a pasen,Tan ag-ira tinmakot;+Nilener na dayat iray kakabusol da.+
54 Tan inyakar to ra ed masanton dalin to,+Sayan mapalandey a rehyon ya inala na kawanan a lima to.+
55 Pinataynan to ray nasyon ed arapan da;+Inyapagan to ray tawir diad panamegley na lubir a panagsukat;+Impanayam to ray tribu na Israel diad kaabungan da.+
56 Balet lanang dan susuboken so Dios a Sankatagyan, tan manrerebelde rad sikato;+Agda inimano iray bilin to.+
57 Sikatoy tinaynan da tan ag-ira nanmatoor a singa saray inmuunan atateng da.+
Ag-ira napanmatalkan a singa makulkulaney lan pana.+
58 Naynay dan sasakitan so liknaan to diad saray atagey a pasen a pandadayewan da,+Tan sikatoy pinasanok* da diad saray inukit ya imahen da.+
59 Nadngel iya na Dios tan sikatoy asanokan,+Kanian sigpot ton impulisay so Israel.
60 Diad kaunoran et pinaulyan to so tabernakulo ed Silo,+Say tolda a nanayaman to kaiba na saray totoo.+
61 Inabuloyan ton naala so simbolo na biskeg to;Tan niyawat ed kalaban so karakpan to.+
62 Inabuloyan ton ompatey ed espada iray totoo to+Tan sikatoy sinmanok ed tawir to.
63 Saray kalangweran to a lalaki et inupot na apoy,Tan saray mamarikit to et agkinansionan na parad kasal.*
64 Saray saserdote to et pinapatey ed espada,+Tan ag-inmakis iray abalon asawa ra.+
65 Insan binmangon si Jehova a singa linmiing ed ugip,+Singa mabiskeg a lakin+ amawmawan ed inyinum toy alak.
66 Tan pinabatik to ray kalaban to;+Inyan to rad permanentin kababaingan.
67 Impulisay toy pamilya* nen Jose;Agto pinili so tribu nen Efraim.
68 Balet say pinili to et say tribu nen Juda,+Say Palandey Sion ya inad-aro to.+
69 Say santuaryo to et ginawa ton permanente a singa say katawenan,*+Singa say dalin ya inletneg to ya anggad angga.+
70 Pinili toy David+ a lingkor toTan inala to ed saray pukokan na karnero,+
71 Manlapud pangaasikaso tod saray manpapasuson karnero;Sikatoy tinuro ton manpastol ed Jacob a totoo to,+Tan ed Israel a tawir to.+
72 Pinastolan to ra diad kaptekan* na puso to,+Tan intonton to ra diad inkadunong na lima to.+
Paimanod leksab
^ Odino “bangat.”
^ Literal, “ya ag-akaparaan.”
^ Odino “padir.”
^ Odino “naakan parad kamarerwa ra.”
^ Odino “saray anghel.”
^ Odino “Manangibales.”
^ Literal, “Sasakbongan.”
^ Odino posiblin, “A say espiritu et ompapaway tan agla ompapawil.”
^ Odino “sinakitan.”
^ Literal, “lima.”
^ Literal, “dinondon.”
^ Odino posiblin, “atagtagey a petang.”
^ Odino “Agto kinawanan so kamarerwa ra.”
^ Literal, “so bilay da.”
^ Odino “pinan-imon.”
^ Literal, “Tan saray birhen to et ag-inrayew.”
^ Literal, “tolda.”
^ Literal, “Impaalagey toy santuaryo to a singa saray atagey a pasen.”
^ Odino “integridad.”
