Salmo 66:1-20
Parad direktor. Sakey a Salmo. Sakey a kansion.
66 Eyag kayod liket tan idayew yoy Dios, O interon dalin.+
2 Kansionan yo na panangidayew so* maglorian ngaran to.
Sikatoy igloria tan idayew yo.+
3 Ibaga yod Dios: “Makapakelkelaw iray gawam!+
Lapud baleg a pakayarim,Onggiwgiw ed arapan mo iray kalaban mo.+
4 Say interon dalin et ondakmomo ed sika;+Kansionan da ka na panangidayew;Kansionan da na panangidayew so ngaran mo.”+ (Selah)
5 Gali dia tan nengneng yo ray kimey na Dios.
Makapakelkelaw iray gagawaen to ed saray anak na totoo.+
6 Say dayat et impagmaliw ton amagan dalin;+Binaliw day ilog, a nanakar ira.+Diman et nanliket kami lapud saray ginawa to.+
7 Sikatoy manuley ya anggad angga+ diad panamegley na pakayari to.
Akabantay iray mata to ed saray nasyon.+
Saramay anawet so ulo ra et agda nepeg ya itandoroy inkasikara.+ (Selah)
8 Idayew yoy Dios tayo, sikayo ran totoo,+Tan iparengel yo so panangidayew yod sikato.
9 Pansiasiansiaen to itayon mabilay;*+Agto aabuloyan a natiror* iray sali tayo.+
10 Ta sikami inusisam, O Dios;+Dinalisay mo kami a singa panagdalisay ed pilak.
11 Inerel mo kami ed panamegley na iket mo;Dinetdetan mo kami* na ambelbelat ya awit.
12 Pinaulyanan mo a taltalaposen kami* na too;Asurob-surob mi apoy tan danum;Insan mo kami inyakar ed liktar a pasen.
13 Onloob ak ed abung mo a wala ray awit kon interon apay a popoolan;+Tooren ko ray sipan kod sika+
14 Ya imbalikas na bibil ko+Tan sinalita na sangik sanen nagogonigon ak.
15 Mangiyapay ak ed sika na saray pinataban ayep bilang apay a popoolanPati say asewek na bagat a kalakian iran karnero.
Mangiyapay ak na saray kalakian a baka tan kalakian a kanding. (Selah)
16 Gali dia tan dengel kayo, amin yon ontatakot ed Dios,Tan ibagak ed sikayo so ginawa to parad siak.*+
17 Tinmawag ak ed sikato ed panamegley na sangikTan sikatoy inggloriak ed panamegley na dilak.
18 No walay inem-eman kon makapasakit a bengatla diad pusok,Agak komon dinengel nen Jehova.+
19 Balet dinmengel so Dios;+Inimano toy pikakasik.+
20 Narayew komon so Dios ya ag-angibaliwala ed pikakasikTan ag-angisiblet ed siak na matoor a panangaro to.
